सुनचाँदीको मूल्य बढ्यो, कतिमा हुँदै कारोबार?

काठमाडौं । नेपाली बजारमा सुनको मूल्य बढेको छ । बिहीबार छापावल सुन प्रतितोला ८ सय रुपैयाँले बढेर ९८ हजार ८ सय रुपैयाँमा कारोबार भईरहेको छ । अघिल्लो दिन छापावल सुन प्रतितोला ९८ हजार रुपैयाँमा खरिदबिक्री भएको थियो ।

त्यसैगरि तेजावी सुन पनि ८ सय रुपैयाँले बढेको छ । बिहीबार तेजावी सुन प्रतितोला ९४ हजार ३ सय रुपैयाँमा कारोबार भइरहेको छ । अघिल्लो दिन तेजावी सुन ९३ हजार ५ सय रुपैयाँमा खरिदबिक्री भएको थियो ।

नेपाल सुनचाँदी व्यवसायी महासंघको अनुसार चाँदी ३० रुपैयाँले बढेको छ । बिहीबार चाच्ँदी प्रतितोला ११ सय ८५ रुपैयाँमा कारोबार भइरहेको छ । अघिल्लो दिन चाँदी ११ सय ५५ रुपैयाँमा खरिदबिक्री भएको थियो ।

नेपाल सुनचाँदी महासंघले अन्तरराष्ट्रिय बजार मूल्यको आधारमा नेपालमा सुनचाँदीको मूल्य तोक्ने गर्छ ।