सिंहदरबार संवाददाता
काठमाडौं । सानिमा बैंकको नाफामा नेगेटिभ ग्रोथ देखिएको छ । अघिल्लो आर्थिक वर्षमा २ अर्ब ३१ करोड रुपैयाँ खुद नाफा आर्जन गरेको बैंकले गत आवमा १.०७ प्रतिशतले घटेर १ अर्ब २९ करोड रुपैयाँमा सिमित भएको छ ।
बैंकद्वारा सार्वजनिक गत आर्थिक वर्षको चौथो त्रैमासको अपरिष्कृत वित्तीय विवरणअनुसार बैंकको वितरण योग्य नाफा भने १ अर्ब ४६ करोड रुपैयाँ रहेको छ । सो अवधिमा बैंकको चुक्ता पुँजी ११ अर्ब ३२ करोड रुपैयाँ कायम हुँदा गत आवको नाफाबाट बैंकले सेयरधनीलाई १२.९७ प्रतिशत लाभांश वितरण गर्न सक्ने क्षमता राख्छ ।
बैंकले गत आवको असार मसान्तसम्म कुल १ खर्ब ५७ अर्ब ५१ करोड रुपैयाँ निक्षेप संकलन गरी १ खर्ब ३७ अर्ब १६ करोड रुपैयाँ कर्जा प्रवाह गरेको थियो । जसबाट बैंकले ४ अर्ब ७६ करोड रुपैयाँ खुद ब्याज आम्दानी गरेको छ । जुन अधिल्लो आवको सोही अवधिको तुलनामा ५.५३ प्रतिशत बढी हो ।
ब्याज आम्दानीमा सामान्य सुधार भएपनि अघिल्लो आवको तुलनामा बैंकको सञ्चालन आम्दानी १.७६ प्रतिशतले घटेर ३ अर्ब २५ करोड रुपैयाँमा सिमित भएको छ ।
समीक्षा अवधिमा बैंकको प्रतिसेयर आम्दानी २० रुपैयाँ २४ पैसा, प्रतिसेयर नेटवर्थ १ सय ५१ रुपैयाँ ०१ पैसा, प्रतिसेयर कुल सम्पति १ हजार ६ सय ९९ रुपैयाँ ३४ पैसा, तरलता अनुपात २७.०७ प्रतिशत र मूल्य आम्दानी अनुपात १३.६३ रहेको छ । गत आवको असार मसान्तसम्म बैंकको खराब कर्जा अनुपात ०.३५ प्रतिशत, बेसरेट ९.७१ प्रतिशत, स्प्रेडदर ३.८६ प्रतिशत र सीडी रेसियो ८६.३६ प्रतिशत कायम छ ।
प्रतिक्रिया दिनुहोस्