सिंहदरबार संवाददाता
काठमाडौं । अन्ततः हिमालयन बैंकले सिभिल बैंकलार्ए प्राप्ति गर्ने भएको छ । बिहीबार बसेको बैंकको सञ्चालक समितिले सिभिल बैंकलाई प्राप्ति गर्ने सम्झौता गरेको हो ।
सिभिललाई १००ः८१ प्रतिशत स्वाप रेसियोमा प्राप्ति गर्ने मौखिक सहमति भएको हिमालयन बैंकका एक सञ्चालकले बताए ।
‘संचालक समितिको माइन्युटमा सिभिल बैंकलाई प्राप्ति गर्ने भन्ने प्रस्तावलाई मात्र आज पाश गरिएको हो,’ हिमालयन बैंकका संचालकले सिंहदरबारसँग भने, ‘भोली दिउँसो होटल सोल्टीमा सम्झौता पत्रमा हस्ताक्षण गर्ने कार्यक्रा तय गरिएको छ ।’
मौखिक रुपमा तय गरिएको स्वाप रेसियो राष्ट्र बैंकले सैद्दान्तिक स्वीकृति दिएपछि गरिने सम्पती दायित्व मुल्यांकन (डिडिको रिपोर्ट अनुसार परिवर्तन समेत हुन सक्ने उनको भनाइ छ ।
राष्ट्र बैंकको मर्जर तथा प्राप्ति विनियमावली, २०७३ अनुसार डिडिए रिपोर्टले देखाएको स्वाप रेसियोमा १० प्रतिशत तलमाथि गर्न मिल्छ । सोी अनुसार बैंक तथा वित्तीय संस्थाहरुले डिडिए रिपोर्टले देखाएको स्वाप रेसियोमा मिलन हुने गरीको आंकलन गरी प्रारम्भिक सम्झौतामा स्वाप रेसियो तय गर्छन् । तर, १० प्रतिशतभन्दा बढी तलमाथि हुने भएमा डिडिए रिपोर्टले नै देखाएको स्वाप रेसियोमा मर्जर तथा प्राप्ति सम्पन्न गर्नु पर्ने हुन्छ ।
अहिलेसम्म कतिपय बैंक तथा वित्तीय संस्थाहरु प्रारम्भिक सम्झौता अनुसारको डिडिए रिपोर्ट नआएकै कारणले स्वाप रेसियोमा चित्त नबुझाएर भाँडिएका पनि छन् ।
करिब १ वर्षसम्म नेपाल इन्भेष्टमेन्ट बैंकसँग मर्जरको प्रक्रिया चलाएर स्वाप रेसियो नै घटाउनु अडान राख्दै हिमालयन बैंकले मर्जर भाँडेको थियो । इन्भेष्टमेण्टसँग १ः१ को स्वाप रेसियोमा मर्जरको सहमति गरेपनि अन्तिम स्वीकृति लिन भने पुनः डिडिए गराएर स्वाप रेसियो ७८ मात्र दिने प्रस्ताव हिमालयन बैंकले गरेको थियो ।
तर, अहिले पुँजीमा होस् या व्यवसायीक आकार र लगानीकर्ताको प्रतिफल दिने सुचांकमा इन्भेष्टमेण्टभन्दा धेरै तल रहेको सिभिललाई ८१ प्रतिशतसम्म दिन हिमालयन राजी भएको छ ।
उसो त इन्भेष्टमेण्टसँग मर्जरको नेगोशिएसन शुरु गर्नुभन्दा अघि हिमालयनले सिभिलसँग मर्जरको छलफल गरेको थियो । सिभिल बैंकका संचालक इच्छाराज तामांङ्ग र तत्कालिन सीइओ गोविन्द गुरुङ्गले ६५ प्रतिशत स्वाप रेसियो दिए हिमालयनमा विलय हुन तयार हुने अडान कसेपछि छलफल टुंगिएको थियो । हिमालयनले सो समयमा सिभिललाई ४५ पतिशत स्वाप रेसियोमा प्राप्ति गर्ने प्रस्ताव गरेको थियो ।
इन्भेष्टमेण्टसँग डिमर्जर गर्दाको कारवाहीको फन्दामा परेको हिमालयनलाई सिभिलले उच्च डिमाण्ड गर्दै स्वाप रेसियो ८५ प्रतिशतभन्दा घटीमा नजाने अडान कसेको थियो । तर हिमालयनले डिडिए रिपोर्टले ९० प्रतिशत देखाए सो नै दिने प्रतिवद्धता गरेपछि सिभिल सम्झौता गर्न तयार भएको हो । तर, डिडिए रिपोर्टमा अहिले तय भएको स्वाप रेसियोभन्दा थोरै आउनमा हिमालयन बैंकमा संचालक समिति विस्वस्त छ । २ वर्षमा व्यवसायीक ग्रोथ भएपनि ८१ प्रतिशत नै स्वाप आउने सिभिल बैंकको वित्तीय सुचांक नभएको हिमालयन बैंकका सञ्चालक बताउँछन् ।
हिमालयन बैंकसँग प्राप्ति हुने प्रस्ताव सिभिल बैंकको संचालक समितिले भने पास गरेको छैन । संचालक समितिमा हिमालयनले गरेको केही प्रस्तावमा अझै छलफल बाँकी रहेको हुँदा प्रस्ताव पास गर्न समय लागेको बैंकका एक संचालकले बताए । ती संचालकका अनुसार सो प्रस्ताव सम्झौता पत्रमा हस्ताक्षर गर्ने दिनकै बिहान बैठक बसेर पास गरिने छ ।
हिमालयन बैंकले सिभिल बैंकलाई संचालक समिति र उच्च व्यवस्थापनमै स्थान नदिने शर्त सहित १००ः८१ प्रतिशत स्वाप रेसियोमा प्राप्ति गर्न तयार भएको हो ।
प्रतिक्रिया दिनुहोस्