सिंहदरबार संवाददाता
काठमाडौं । आन्दोलनरत लगानीकर्तासहित अनसन बसेका तिलक कोइरालाको १९ बुँदे माग कार्यान्वयनमा लगानीकर्ताको तर्फबाट राधा पोखरेल, तुल्सी ढकाल र उत्तम अर्याल तथा नेपाल धितोपत्र बोर्डका तर्फबाट निमित्त कार्यकारी निर्देशकद्वय मुक्तिराज श्रेष्ठ र विनयदेव आचार्य रहने भएका छन् ।
समितिमा बाँकी २ जना तिलक कोइरालाले चयन गर्नेछन् ।
अनसन बसेका कोइरालाले बोर्डका अध्यक्ष रमेश हमालसामु मागको कार्यान्वयनको दिन तोकेर समिती खडा नगर्दा सम्म अनसन नतोड्ने बताएका थिए ।
कोइरालाको तर्फबाट ज्ञापन पत्र बोकेर ३ जना लगानीकर्ता गएका थिए । त्यसपछि अध्यक्ष हमाल कोइराला सामु आएका थिए ।
कोइरालाले पनि आफू अनसन तोड्न सकारात्मक रहेको बताए ।
सम्पादकको नोटः यसअघि समितिमा अम्बिका पौडेल र विष्णु बस्याल रहने बताइएको थियो । पौडेल र बस्याल नबस्ने भएपछि समितिमा पोखरेल र अर्याल रहने भएका हुन् ।
प्रतिक्रिया दिनुहोस्