सिंहदरबार संवाददाता
काठमाडौं । पुँजी बजार सुधारको माग राख्दै हडताल गर्दै आएका तिलक कोइराला बिरामी परेका छन् ।
असार १ देखि अनसन बस्ने घोषणा गरेका कोइराला धितोपत्र बोर्ड तथा नेप्से घेराउ कार्यक्रममा उपस्थित भएका थिए । सोक्रममा कोइरालासहित केही लगानीकर्तालाई प्रहरीले पक्राउ गरी रातभर हिरासतमा लिएको थियो ।
विगतमा पनि आन्दोलन र हडतालको नेतृत्व गर्दै आएका कोइराला अहिले आराम गरिरहेका छन् । उनले सामाजिक सञ्जालमा पुँजीबजारको सुधार माग्दा सिंहदरबार पुलिसमा रातभरको अमानवीय यातनाले बिरामी परेको जानकारी दिएका छन् ।
कोइराला बिरामी परेसँगै आन्दोलनको नियमित कार्यक्रम प्रभावित भएको छ । सेयर बजारमा संस्थागत तथा संरचानगत सुधारका लागि लगानीकर्ताहरूलाई आज ३ बजे माईतीघरमा भेला हुन उनले अनुरोध गरेका छन् ।
यता लगानीकर्तामाथि यातना दिइँरहँदा पुँजी बजारको हीतमा काम गर्ने अख्तियारी पाएको तथा नियमन गर्ने संस्था नेपाल धितोपत्र बोर्ड ३० औं वार्षिकोत्सव मनाइरहेको छ ।
प्रतिक्रिया दिनुहोस्