सिंहदरबार संवाददाता
काठमाडौं । सरकारले बजेट सार्वजनिक गरेपछि नेप्से साता मै करिब डेढ सय बिन्दुले ओरालो लागेको छ । आइतबार बजेट सार्बजनिक भएपछि सोमबार सेयर बजारको पहिलो कारोबार भएको थियो । सरकारको बजेट सार्वजनिक पछि सेयर बजारमा एक साता बित्दा एक दिन पनि सुधार आउन सकेन ।
साताको अन्तिम कारोबार शुक्रबारको दिन पनि नेप्से परिसूचकले ओरालो यात्रा कायम नै राखेको छ । शुक्रबार नेप्से परिसूचक ३३.७६ अंकले घटेर २,०७८.७० को विन्दुमा बन्द भएको छ ।
आज दिन भरिमा २२६ कम्पनीका ३८ लाख ४८ हजार ५०८ कित्ता सेयर १ अर्ब ३० करोड ७३ लाख ५९ हजार रुपैयाँमा खरिदबिक्री भए ।
नेप्से परिसूचक घटेपनि उपकार लघुवित्त वित्तीय संस्था र बलेफी हाइड्रो पावर कम्पनीको सेयर मूल्यमा भने पोजेटिभ सर्किट लेभलमा कारोबार भएको छ ।
शक्रबार किसान लघुवित्त वित्तीय संस्थाका सेयर धनीले भने सबैभन्दा बढी ८.९५ प्रतिशतले गुमाएका छन् ।
कारोबार रकमको आधारमा एनआईसी एशिया बैंक पहिलो स्थामा रहेको छ । बैंकको ६ करोड २३ लाख ५५ हजार रुपैयाँ बराबरको सेयर खरिद/बिक्री भए ।
त्यसैगरि सिटीजन इन्भेष्टमेन्ट ट्रस्ट ४ करोड २ लाख रुपैयाँ सहित दोस्रो र हिमालयन डिस्टिलरी ३ करोड ८४ लाख १६ हजार रुपैयाँको सेयर कारोबार सहित तेस्रो स्थानमा रहेको छ ।
आज कारोबारमा आएका १७ कम्पनीको सेयर मूल्य बढ्दा १७४ कम्पनीको घटेको छ भने ४ कम्पनीको सेयर मूल्य स्थिर रहेको छ ।
शुक्रबार कारोबारमा आएका सबै समुहगत उपसूचकहरु घटेको छ ।
प्रतिक्रिया दिनुहोस्