शिक्षा र स्वास्थ्यमा १ खर्ब ३९ अर्ब बजेट, विद्यार्थी र ४० वर्ष माथिलाई निशुल्क उपचार

काठमाडौं । सरकारले शिक्षा र स्वास्थ्य क्षेत्रको लागि १ खर्ब ३९ अर्ब ४३ करोड रुपैयाँ बजेट विनियोजन गरेको छ । अर्थमन्त्री जनार्दन शर्माले आगामी आर्थिक वर्ष २०७९/८० का लागि स्वास्थ क्षेत्रमा लागि ६९ अर्ब ३८ करोड रुपैयाँ र शिक्षा क्षेत्रका लागि ७० अर्ब ५ करोड बजेट विनियोजन गरेका हुन् ।

उनले विद्यार्थी र ४० वर्षमाथिका सबै नागरीकलाई सरकारले निशुल्क उपचारको व्यवस्था गर्ने बताएका छन् । साथै, सरकारले ९८ प्रकारका औषधि निशुल्क उपलब्ध गराउने भएको छ। विपन्न परिवारका सुत्केरीलाई ५ हजार रुपैयाँ उपलब्ध गराइने भएको छ। यो पोषण कार्यक्रम अन्तर्गत उपलब्ध गराइने छ।

शिक्षक अस्पताल निर्माण अगाडि बढाइने भएको छ। मृगौला रोगीको निशुल्क मृगौला प्रत्यारोपण गरिने र पाठेघरको मुखको क्यान्सरको खोप उपलब्ध गराइने भएको छ।

एम्बुलेन्स सेवालाई एकिकृत प्रणालीमार्फत सञ्चालन गरिने भएको छ। सरकारले स्वास्थ बीमाका लागि सरकारले साढे सात अर्ब रुपैयाँ छुट्याएको छ।