सिंहदरबार संवाददाता
काठमाडौं । सरकारले हालसम्म २ लाख २७ हजार गरिब घरपरिवार पहिचान गरेको छ । अर्थमन्त्रालयका अनुसार आर्थिक वर्ष २०७७/७८ बाट संकलित २३ जिल्लाका २१४ स्थानीय तहको तथ्याङ्क प्रशोधन गरी सो संख्याको गरिब पहिचान गरिएको हो ।
आर्थिक वर्ष २०७८/७९ को फागुनसम्म १५ जिल्लाका १८३ स्थानीय तहका ११ लाख ५० हजार तथ्याङ्क प्रशोधन कार्य शुरु भएको आर्थिक सर्वेक्षणमा उल्लेख छ।
सर्वेक्षणमा पन्ध्रौं योजनाको अन्त्यसम्ममा निरपेक्ष गरिबीलाई ९.५ प्रतिशत र बहुआयामिक गरिबी ११.५ प्रतिशतमा झार्ने लक्ष्य हासिल गर्नु थप चुनौतीपूर्ण बनेको उल्लेख छ । संयुक्त राष्ट्र सङ्घीय विकास कार्यक्रमको सन् २०२० को प्रतिवेदनअनुसार नेपालको मानव विकास सूचकाङ्क अघिल्लो वर्ष ०.५७९ को तुलनामा सुधार भई ०.६०२ पुगेको छ।
प्रतिक्रिया दिनुहोस्