सिंहदरबार संवाददाता
काठमाडौं । सरकारले पेट्रोलियम पदार्थमा लगाउँदै आएको कर घटाएको छ । जेठ १० गतेको मन्त्रिपरिषद्को बैठकले कर घटाउने निर्णय गरेको उद्योग, वाणिज्य तथा आपूर्ति मन्त्री दिलेन्द्रप्रसाद बडुले जानकारी दिए ।
कुन शीर्षकमा कति कर घटाउने भन्ने निर्णय भने भएको छैन । बडुले यस विषयमा अहिले अर्थ मन्त्रालयमा गृहकार्य भइरहेको बताए । सरकारले पेट्रोलियम पदार्थमा भन्सार शुल्क, पूर्वाधार कर, सडक मर्मतसम्भार शुल्क, प्रदूषण शुल्क, मूल्य स्थिरीकरण कोष शुल्क आदि लिँदै आएको छ ।
कर घटाएसँगै नेपाली बजारमा इन्धनको मूल्य घट्ने विश्वास गरिएको छ ।
प्रतिक्रिया दिनुहोस्