सिंहदरबार संवाददाता
काठमाडौं । नेपाल धितोपत्र बोर्डले दुई कम्पनीलाई आईपीओ जारी गर्ने अनुमति दिएको छ । आर्दश लघुवित्त वित्तीय संस्था र राप्ती हाइड्रो एण्ड जनरल कन्स्ट्रक्सन कम्पनीले साधारण सेयर (आईपीओ) जारीको अनुमति पाएका हुन् ।
बोर्डले मंगलबार यी कम्पनीहरुलाई आइपीओ जारी गर्ने अनुमति दिएको हो ।
आदर्श लघुवित्त २०७८ असोज २० गते र राप्ती हाइड्रो २०७८ भदौ ८ गते आइपीओ जारी गर्ने अनुमति मागेका थिए । बोर्डले आदर्श लघुवित्तलाई प्रतिकित्ता १०० रुपैयाँ अंकित ६७ हजार कित्ता र राप्ती हाइड्रोलाई २९ लाख ४१ हजार ४१० कित्ता आइपीओ जारी गर्ने अनुमति दिएको हो ।
आदर्श लघुवित्तले जारी पुँजीको ३२.३७ प्रतिशत र राप्ती हाइड्रोले ४८ प्रतिशत आइपीओ जारी गर्न लागेको हो ।
प्रतिक्रिया दिनुहोस्