सिंहदरबार संवाददाता
वीरगञ्ज । वीरगञ्ज महानगरपालिकाको मेयरमा जनता समाजवादी पार्टीका राजेशमान सिंह निर्वाचित भएका छन् । एमालेका उम्मेदवार विजय कुमार सरावगीभन्दा २२ हजार ५५५ मत बढी ल्याएर राजेशमान मेयरमा निर्वाचित भएका हुन् ।
३२ वटै वडाका मतगणना सकिंदा राजेशमानले ४६ हजार २१५ मत पाउँदा विजयले २३ हजार ६७१ मतमात्रै पाए । वीरगञ्जको उपमेयरमा नेपाली कांग्रेसका इम्तियाज आलम निर्वाचित भए ।
वीरगञ्जमा ९३ हजार ७ सय ८२ मत खसेको थियो ।
दुवै उम्मेदवारले दल परिवर्तन गरेर प्रतिस्पर्धा गरेका हुन् । २०७४ को स्थानीय तह निर्वाचनमा तत्कालीन राष्ट्रिय जनता पार्टी (राजपा) नेपालबाट मेयरमा उठेका राजेशमान तत्कालीन जसपाका सरावगीसँग पराजित भएका थिए ।
प्रतिक्रिया दिनुहोस्