सिंहदरबार संवाददाता
काठमाडौं । नेपाली काँग्रेसले ६५ वर्षमै वृद्धभत्ता दिने घोषणा गरेको छ । स्थानीय तहको निर्वाचनका लागि बनाइएको प्रचारमुलक सामाग्रीमा काँग्रेसले यस्तो घोषणा गरिएको हो ।
काँग्रेसको आधिकारिक फेसबुक पेजमा ‘नेपाली काँग्रेको प्रतिबद्धता,७० होइन ६५ वर्षमै वृद्ध भत्ता’ लेखिएको फ्लायर सेयर गरिएको छ । भोटको स्रोत बन्दै आएका ज्येष्ठ नागरिकलाई आकर्षित गर्ने हेतुले काँग्रेसले यस्तो एजेन्डा अघि सारेको हो ।
काँग्रेसको स्थानीय तह निर्वाचन प्रचार प्रसार समितिले यो फ्लायर तयार पारेको हो ।
यतिबेला देश स्थानीय तह निर्वाचनको संग्राममा छ । नेपाली काँग्रेस सबैभन्दा धेरै जनप्रतिनिधि जितेर ठूलो दल बन्न चाहन्छ । यतिबेलै सरकार पनि काँग्रेसकै छ । त्यसैले पनि आगामी आर्थिक वर्षको बजेटमार्फत् नै ६५ वर्षमै वृद्धभत्ता बाँड्ने घोषणा हुने अनुमान गरिएको छ ।
बजेट बनाउने मन्त्री अर्थमन्त्री भने नेकपा माओवादी केन्द्रका हुन् । उनी काँग्रेस सभापति शेर बहादुर देउवाले भनेको टेर्ने व्यक्ति पनि मानिन्छन् ।
प्रतिक्रिया दिनुहोस्