बिहीबार पनि घट्यो सुनको मूल्य, कतिमा हुँदैछ किनबेच ?

काठमाडौं । नेपाली बजारमा आज पनि सुनको मूल्यमा भारी गिरावट आएको छ । बिहीबार सुन प्रतितोला १ हजार रुपैयाँले घटेर ९८ हजारमा खिदिबक्री भइरहेको छ । बुधबार छापावाल सुनको मूल्य प्रतितोला ९९ हजारमा कारोबार भएको थियो ।

यसैगरी तेजावि सुनको मूल्य पनि १ हजार रुपैयाँले घटेर प्रतितोला ९७ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

नेपाली बजारमा बिहीबार चाँदी प्रतितोला १ हजार ३ सय २० रुपैयाँमा कारोबार भइरहेको छ । अघिल्लो दिनको तुलनामा चाँदी प्रतितोला २० रुपैयाँले सस्तिएको हो । अन्तर्राष्ट्रिय बजार मूल्य अनुसार नेपाल सुनचाँदी व्यवसायी महासंघले सुनचाँदीको मूल्य निर्धारण गर्दछ ।