सिंहदरबार संवाददाता
काठमाडौँ । साताको चौथो दिन बुधबार सेयर बजारमा नेप्से परिसुचक बढेको छ । साताको पहिलो दिन करीब १०० अंकले बढेको नेप्से परिसुचक दोस्रो र तेस्रो दिन लगातार घटेको थियो भने बुधबार झिनो आशा देखाएर बन्द भएको हो ।
बुधबार नेप्से परिसुचक ५.१७ अंकले बढेर २३७६.१७ को विन्दुमा पुगेको हो । कारोबारको अन्तिम चरणमा थोरै अंकले बढेको नेप्से परिसुचकले लगानीकर्ताहरुमा झिनो आशा पलाएको छ ।
यसैगरि नेप्से परिसुचक बढ्दा सेन्सेटिभ इण्डेक्स १.६१ अंक, फ्लोट इण्डेक्स ०.२७ अंक र सेन्सेटिभ फ्लोट इण्डेक्स ०.३५ अंकले बढेको छ ।
यसदिन २८ लाख ८५ हजार ३९ कित्ता सेयर २३ हजार ५ सय ३४ कारोबार मार्फत १ अर्ब ८ करोड ९९ लाख ९२ हजार रुपैयाँमा खरिदबिक्री भए । मंगलबार १ अर्ब ४ करोड ६० लाख १४ हजार रुपैयाँ बराबरको कारोबार भएको थियो । मंगलबारको तुलनामा नेप्से बढेसंगै कारोबार रकम पनि बढेको हो ।
बुधबार पनि जाल्पा सामुदायिक लघुवित्तको सेयर मुल्यमा पोजेटिभ सर्टीक लागे । यसैगरी बुधबार सेयर बजारमा सबैभन्दा बढी कारोबार अरुण भ्याली हाईड्रोपावर कम्पनिको भएको छ । यस कम्पनिको ५ करोड २१ लाख बराबरको कारोबार भएको हो ।
यसैगरी नेप्से परिसुचक झनो अंकले बढ्दा १०८ कम्पनिको सेयर मूल्य बढे ।
१३ वटा समुहगत उपसुचक मध्य ९ वटा बढेको छ
प्रतिक्रिया दिनुहोस्