सिंहदरबार संवाददाता
काठमाडौं । नेकपा(एकिकृत समाजवादी) पार्टीले महानगर र उप महानगरपालिकामा आफ्नो पार्टीका उम्मेदवारहरुको टुंगो लगाएको छ । समाजवादीले पोखरा महानगरपालिकामा धनराज आचार्यलाई मेयर उठाउने निर्णय गरेको छ भने काठमाडौं महानगरापलिकाको उप मेयरमा रामेश्वर श्रेष्ठलाई अघि सारेको छ ।
हेटौँडा उप महानगरपालिकाको मेयरमा मिना लामा चयन भएकी छिन् । इटहरीको उप मेयरमा केशब बिष्ट उम्मेदवार बनेका छन् भने बुटवलमा चिन बहादुर गुरुङ उम्मेदवार बनेका छन् । उता तुल्सीपुर उप महानगरपालिकाको उप मेयरमा भने जोग बहादुर राना चयन भएका छन् । सोमबार बिहान बसेको एकिकृत समाजवादीको सचिवालय बैठकले गठबन्धनमा आफ्नो भागमा परेका महानगर तथा उप महानगरपालिकाहरुमा उम्मेदवार चयन गरेको हो ।
प्रतिक्रिया दिनुहोस्