सिंहदरबार संवाददाता
काठमाडौं । नबिल बैंक चालु आर्थिक वर्षको तेस्रो त्रैमास अन्त्यको वित्तीय विवरण सार्वजनिक गर्ने पहिलो वाणिज्य बैंक बनेको छ । बैंकले मंगलबार अपरिस्कृत वित्तीय विवरण प्रकाशन गरेको हो जसअनुसार बैंकले आव २०७८ ७९ को ९ महिनामा ३ अर्ब ३५ करोड २० लाख ४३ हजार रुपैयाँ खुद नाफा आर्जन गरेको छ ।
यो खुद मुनाफा बैंकले अघिल्लो आवको सोही अवधिको तुलनामा ३३ करोड रुपैयाँ कम हो । बैंकले गत आवको पहिलो ९ महिनामा ३ अर्ब ६७ करोड ९८ लाख रुपैयाँ नाफा गरेको थियो ।
अघिल्लो अवको तुलनामा खुद ब्याज आम्दानी बढेपनि नबिलको खुद मुनाफा घटेको हो । बैंकले अघिल्लो आवको तुलनामा डेढ अर्ब बढी अर्थात् ६ अर्ब ५९ करोड रुपैयाँ खुद ब्याज आम्दानी गरेको हो ।
यसअवधिमा बैंकको खुद फि तथा कमिसन आम्दानी १ अर्ब १८ करोड रुपैयाँ छ । बैंकको अन्य सञ्चालन आम्दानी भने निकै कम भएको छ । यस अवधिमा बैंकले ६१ करोड रुपैयाँ प्रोभिजन थप गरेको छ ।
९ महिनाको अन्त्यसम्म बैंकको प्रतिसेयर आम्दानी घटेर २४ रुपैयाँ ३९ पैसा कायम भएको छ । बैंकको खराव कर्जाको दर बढेर १.१४ प्रतिशत पुगेको छ ।
यस्तै पीई रेसियो ३९.८२, नेटवर्थ १९०.२९ रुपैयाँ छ ।
बैंकको सीडी रेसियो ९१.४७ प्रतिशत छ भने बेसरेट ८.२२ प्रतिशत र ब्याजदर स्प्रेड ३.७३ प्रतिशत छ ।
प्रतिक्रिया दिनुहोस्