सिंहदरबार संवाददाता
काठमाडौं । अमेरिकाले नेपाललाई थप ८० अर्ब रूपैयाँ अनुदान दिने भएको छ । अन्तर्राष्ट्रिय विकासका लागि संयुक्त राज्य नियोग (यूएसएड) ले नेपाललाई ६५९ मिलियन डलर अनुदान दिने भएको हो ।
यो रकम बजेटरी कार्यक्रममा खर्च हुनेछ । यो ऋण होइन, अनुदान हो । यो रकम ग्रिड प्रणाली सुधार, शिक्षा, स्वास्थ्य आदि सरकारले भनेको क्षेत्रमा यूएसएडले खर्च गर्नेछ ।
अमेरिकाले गैर बजेटरी प्रणालीमार्फत् यो रकम पहिले नै सहयोग गर्न लागेको थियो ।
यसलाई अर्थले बजेटरी प्रणालीमार्फत् ल्याउन अर्थ सफल भएको हो ।
अर्थ मन्त्रीका वरिष्ठ आर्थिक सल्लाहकार डा. सुरेन्द्र उप्रेतीका अनुसार कहाँ खर्च गर्ने भन्ने सरकारको वार्षिक कार्यक्रममा उल्लेख हुनेछ र तय भएको समय तालीका अनुसार रकम प्राप्त भइ सीधै यूएसएडले खर्च गर्नेछ ।
उप्रेतीका अनुसार यो सहयोग रकम हालसम्म नेपालले पाएको सबैभन्दा ठूलो अनुदान हो ।
चैत ३० गतेको मन्त्रिपरिषदले सो सहयोग स्वीकार्ने निर्णय गरेको हो । शुक्रबारको विनिमयदर अनुसार ६५९ मिलियन डलर बराबर ८० अर्ब १२ करोड रूपैयाँ हुनेछ ।
प्रतिक्रिया दिनुहोस्