सिंहदरबार संवाददाता
काठमाडौं । घरेलु मैदान कीर्तिपुरमा सम्पन्न त्रिदेशीय ट्वान्टी–२० अन्तर्राष्ट्रिय क्रिकेट शृंखलाको उपाधी नेपालले जितेको छ । नेपालले सोमबार पपुवा न्युगिनी(पीएनजी)लाई ५० रनले पराजित गरेको हो ।
नेपालको जितमा दिपेन्द्रसिंह ऐनि नायक बने । ऐरीले ब्याटिङतर्फ ५४ रन प्रहार गरे भने बलिङतर्फ ४ विकेट लिए ।
नेपालले सन्दीप लामिछानेको कप्तानीमा पहिलो अन्तर्राष्ट्रिय शृंखला जितेको हो ।
दीपेन्द्रसिंह ऐरीको अर्धशतकप्रेरित नेपालले त्रिदेशीय ट्वान्टी–२० अन्तर्राष्ट्रिय शृंखलाको फाइनलमा पपुवान्युगिनी (पीएनजी)लाई जितका लागि १६९ रनको लक्ष्य पेश गरेको छ ।
कीर्तिपुरस्थित त्रिवि क्रिकेट मैदानमा टस हारेर ब्याटिङका लागि निम्तो पाएको नेपालले २० ओभरमा ६ विकेट गुमाएर १६८ रन बनाएको थियो । जवाफी ब्याटिङमा पीएनजीले ११८ रनमात्र बनाउन सक्यो ।
प्रतिक्रिया दिनुहोस्