सिंहदरबार संवाददाता
काठमाडौं । धितोपत्र बजारमा सेयर कारोबार मापक नेप्से परिसूचक उच्च अङ्कले वृद्धि भएको छ । साताको पहिलो कारोबार दिन (आइतबार) नेप्से परिसूचक १०१.०७ अङ्कले बढेर दुई हजार ६६७.९७ मा पुगेको हो ।
नेपाल स्टक एक्सचेञ्ज (नेप्से)का अनुसार आज बजार ३.९४ प्रतिशत बराबरको वृद्धि भएको हो । यस्तै ठूला कम्पनीको सेयर कारोबार मापन गर्ने सेन्सेटिभ परिसूचक १६.३७ अङ्कले उकालो लागेर ५०९.९० मा पुगेको छ ।
नेप्सेमा उच्च अङ्कको वृद्धि भए पनि कारोबार रकम भने उल्लेख्यमात्रामा वृद्धि भएन । कूल २२८ कम्पनीको ९० लाख २२ हजार ८९० कित्ता सेयर ४ अर्ब ८७ करोड सात लाख १५ हजार ३८७ रुपैयाँमा खरिद बिक्री भए ।
नेप्सेका अनुसार कारोबार भएका कूल १३ उपसमूहको सेयर नै उकालो लागेको छ । बैंकिङ ५४.७१, व्यापार ११३, होटल तथा पर्यटन १५८.६९, विकास बैंक २१०.५६, जलविद्युत् ७५.६५, वित्त १०७.०१, निर्जीवन बीमा ५६७.८७, उत्पादन ३०८.०६, अन्य ८६.६२, लघुवित्त १६३.७८, जीवन बीमा ९२२.१६, सामूहिक लगानी कोष ०.१७ र लगानी ३.८१ अङ्कले उकालो लागेको छ ।
आजको कारोबारपछि बजार पुँजीकरण ३७ खर्ब ८० अर्ब ७७ करोड १२ लाख ९२ हजार ८६९ रुपैयाँबराबर पुगेको छ । कारोबारका आधारमा शिवम् सिमेन्ट शीर्ष स्थानमा छ । सो कम्पनीको ३४ करोड ३६ लाख ५० हजार ९५४ रुपैयाँ बराबरको कारोबार भयो ।
यस्तै अपि पावर कम्पनी ३० करोड १७ लाख ३० हजार ५७० रुपैयाँ, आइसिएफसी फाइनान्स कम्पनी २१ करोड ३१ लाख १३ हजार ८७२रुपौयँ , नेपाल दूरसञ्चार कम्पनी १९ करोड ६१ लाख ९५ हजार ५८३ रुपैयाँ र नेपाल लाइफ इन्स्योरेन्स कम्पनी १९ करोड ४६ लाख ७२ हजार ६९३ रुपैयाँ बराबरको कारोबार भई शीर्ष पाँच भित्र परेका छन् ।
पाँच कम्पनीको सेयरमा सर्किट
नेप्सेका अनुसार विभिन्न पाँच कम्पनीको सेयरमा सकारात्मक सर्किट लागेको छ । त्यसमा एशियन लाइफ इन्स्योरेन्स, ज्योति विकास बैंक र सानिमा लाइफ इन्स्योरेन्सको सेयर मूल्यमा १० प्रतिशतले वृद्धि भई सकारात्मक सर्किट लाग्यो ।
यस्तै इमर्जिङ नेपाल र कर्पोरेट डेभलपमेन्ट बैंकका लगानीकर्ताले ९.९९ प्रतिशतले कमाए । ती कम्पनीको सेयर मूल्यमा समेत सकारात्मक सर्किट लाग्यो ।
उता मेगा म्युचुअल फण्ड एक २।९३, प्राइम बैंकको ऋणपत्र १.९९, कुमारी इक्विटी फण्ड १.५९, नबिल ऋणपत्र १.४९ र सनराइज बैंकको ऋणपत्रका लगानीकर्ताले १.०७ प्रतिशतले गुमाए ।
प्रतिक्रिया दिनुहोस्