सिंहदरबार संवाददाता
काठमाडौं । प्रहरीले अनलाइन जुवा खेलाउने गिरोहलाई नै नियन्त्रणमा लिएको छ । प्रहरीले वौद्धबाट ६ लाख १९ हजार रूपैयाँसहित ७४ जनालाई नियन्त्रणमा लिएको हो ।
आइतबार साँझ बौद्ध स्थित प्लटिङ नजिक रहेको दोलखामा सुभाष घिसिङले सञ्चालन गरेको रेष्टुरेन्टमा कोभिड-१९ को महामारी बिद्यमान रहेको हालको बिषम परिस्थितिमा समेत ठूलो संख्यामा मानिसहरु भेला जम्मा भई अनलाइन बिङ्गो खेल खेलिरहेको सूचनाको आधारमा प्रहरीले छापा हानेको थियो । उनीहरूलाई प्रहरीले खेलमा प्रयोग गरिने सामाग्री (मोबाइल), बिङ्गो खेल्न प्रयोग गरिने कुपन र नगदसमेत नियन्त्रणमा लिएको हो ।
पक्राउ पर्नेमा ६६ पुरूष र ८ महिला छन् ।
प्रतिक्रिया दिनुहोस्