सिंहदरबार संवाददाता
काठमाडौं । माछापुच्छ्रे बैंक चालु आर्थिक वर्षको ६ महिनामै अर्बपति क्लबमा प्रवेश गरेको छ । बैंकले पुस मसान्तसम्म १ अर्ब १ करोड रूपैयाँ खुद मुनाफा गरेको हो जुन गत आवको पुस मसान्तभन्दा २१ करोड रूपैयाँ बढी हो ।
बैंकले सार्वजनिक गरेको चालु आवको पुस मसान्तसम्मको वित्तीय विवरण अनुसार बैंकको वितरणयोग्य मुनाफा ६४ करोड ४७ लाख रूपैयाँ छ ।
बैंकको पीई रेसियो १६.८४ रहेको बैंकले जनाएको छ । बैंकको प्रतिसेयर नेटवर्थ १३४.५ रूपैयाँ कायम भएको छ ।
खुद ब्याज आम्दानीमा राम्रो सुधार गर्दा बैंकको नाफा बढेको हो । बैंकले यस्तो आम्दानी २ अर्ब २४ करोड बराबरको गरेको छ । बैंकको कस्ट अफ फन्ड र बेस रेट बढेका छन् भने ब्याजदर स्प्रेड २.८७ प्रतिशतमा खुम्चिएको छ ।
प्रतिक्रिया दिनुहोस्