सिंहदरबार संवाददाता
काठमाडौं । एनआईसी एशिया बैंकले ५ महिनामै २ अर्ब रुपैयाँ खुद नाफा गरेको छ । चालु आवमा २ अर्ब नाफा कटाउने एनआईसी एशिया पहिलो बैंक बनेको हो ।
कात्तिक मसान्तसम्म बैंकले १ अर्ब ५९ करोड ९९ लाख रुपैयाँ खुद नाफा गरेको थियो । मंसिर मसान्तसम्म बैंकको खुद नाफा २ अर्ब ४० लाख रुपैयाँ पुगेको छ ।
मंसिरसम्मको तथ्यांकअनुसार बढी नाफा कमाउनेको सूचीमा ग्लोबल आईएमई बैंक दोस्रो तथा नबिल बैंक तेस्रो स्थानमा छ । दुई बैंकको नाफा क्रमशः १ अर्ब ९६ करोड रुपैयाँ तथा १ अर्ब ८९ करोड रुपैयाँ छ ।
कात्तिकसम्म यी बैंकले समान १ अर्ब ५५ करोड रुपैयाँ खुद मुनाफा गरेका थिए ।
मंसिर मसान्तसम्म राष्ट्रिय वाणिज्य बैंकको खुद नाफा १ अर्ब ८८ करोड रुपैयाँ छ भने बढी नाफा कमाउने पाँचौं बैंक प्राइम कमर्सियल बैंक हो । बैंकको नाफा १ अर्ब ५० करोड रुपैयाँ छ । मंसिरसम्म प्रभु, एनएमबि, सिद्धार्थ, नेपाल इन्भेष्टमेन्ट, मेगा र नेपाल बैंकले १ अर्ब रुपैयाँ भन्दा खुद मुनाफा गरेका छ ।
मंसिरसम्म कुन वाणिज्य बैंकको नाफा कति ?
यस्तै विकास बैंकहरुमध्य मुक्तिनाथ विकास बैंकले सबैभन्दा बढी ४६ करोड रुपैयाँ नाफा गरेको छ । यस्तै गरिमा विकास बैंकले ३४ करोड रुपैयाँभन्दा बढी कमाउँदा ज्योति विकास बैंकको खुद मुनाफा करिब ३४ करोड रुपैयाँ छ ।
चालु आर्थिक वर्षको ६ महिना बितिसक्दा बैंकहरुले वित्तीय विवरण सार्वजनिक गर्न थालेका छन् । मंगलबार बिहान वित्तीय विवरण सार्वजनिक गर्दै कामना सेवा विकास बैंक पहिलो बनेको छ ।
प्रतिक्रिया दिनुहोस्