अन्ततः हिमालयन–इन्भेष्टमेण्ट बीचको बिग मर्जर भाडिँयो

काठमाडौं । पछिल्लो ९ महिना नेपाली बैंकिङ इन्डष्ट्रिको चर्चित हिमालयन बैंक र नेपाल इन्भेष्टमेण्ट बैंकबीचको बिग मर्जरले हावा खाएको छ । दुई ठूला बैंक एक हुने गरी वैशाख देखि अघि बढेको कुरा पुस मसान्तमा आएर सबै प्रयास विफल भएका हुन् ।

हिमालयन बैंकको शुक्रबारको साधारणसभामा मर्जरको पक्षमा बहुमत पुग्न सकेन । विशेष गरी ठूलो लगानीकर्ता कर्मचारी सञ्चय कोष यो प्रक्रियाको विपक्षमा थियो ।

यसैगरी सर्वसाधारण लगानीकर्ता र जानकार पनि यो मर्जर भए बैंकिङ उद्योग सिमित व्यक्तिको चंगुलमा पुग्ने तर्क गर्दै आएका थिए । बन्ने भनिएको हिमालयन एन्ड नेपाल इन्भेष्टमेन्ट बैंक सेता हात्ति बन्ने र नेपाली बैंकिङ इन्डष्ट्रिकै लागि प्रतिकुल हुने टिप्पणी गरिएको थियो ।

नेपाल राष्ट्र बैंकका प्रथम गर्भनर हिमालयन शमशेर राणा र पारिवारिक सम्बन्ध भएका पृथ्वीबहादुर पाँडे सहित उनीहरुका आफन्तको सर्कलमा बन्ने बैंक पुग्ने भएकाले यो मर्जरको सर्वत्र विरोध थियो ।

यस्तै सानो भएपछि सम्पत्ति तथा वित्तीय सूचकमा बलियो र कम दायित्व भएको हिमालयनभित्रै कर्मचारीहरु विपक्षमा थिए ।

यसकारण हिमालयनको शुक्रबारको वार्षिक साधारणसभा विशेष थियो ।

तर, साधारणासभामा १४ प्रतिशत सेयर रहेको कर्मचारी सञ्चय कोषले मर्जरको विपक्षमा मतदान गरेपछि भर्जर भाँडिएको हो ।

हिमालयन बैंकका तत्कालीन प्रशासक तुल्सीप्रसाद गौतम, राणा र पाँडे परिवारको आर्थिक प्रलोभनमा परेर हिमालयनलाई कौडीको भाउमा मर्जरमा लैजाने खेलको सुरुवात गरेको आरोप छ । उनै गौतम कोषबाट पदच्युत भएपछि कोष र हिमालयनका वर्तमान अध्यक्षसमेत रहेका प्रचण्ड श्रेष्ठ मर्जरको विपक्षमा लागिरह्यो । उनीहरुलाई अरु सेयरधनीको पनि साथ मिलेपछि दुई परिवार र नेपाल राष्ट्र बैंकको मिहिनेत समेत खेर गएको छ ।

शुक्रबारको वार्षिक साधारणसभामा मतदाता सेयरधनीले वार्षिक प्रतिवेदन पारित गरेपनि मर्जरको प्रस्ताव पारित हुन दिएनन् ।

हिमालयनभन्दा निकै कमजोर मानिएको इन्भेष्टमेण्टलाई १ बराबर १ स्वाप दिने तय भएसँगै मर्जरको विपक्षमा आवाज उठेको थियो ।

हिमालयन बैंकका अधिकांश सेयरधनीको मत स्वाप रेसियो बढीमा १०० बराबर ७८ हुनुपर्ने तर्क छ । सेयर प्रिमियममा लाग्ने कर वक्यौता र उत्तरढोका स्थित जग्गाले सम्पत्ति घटाउने र दायित्व बढाउने तर्क उनीहरुको छ ।

साधारणसभामा प्रस्ताव पारित गराउन ७५ प्रतिशत मत आवश्यक छ तर मर्जरको पक्षमा आवश्यक मत नपुगेपछि हालसम्मकै ठूलो मर्जरको प्रक्रिया ‘द इन्ड’ भएको छ ।

अब, दुई बैंक डिमर्जरको प्रक्रिया आरम्भ हुनेछ । उनीहरुले अब भिन्दाभिन्दै पार्टनर खोज्नुपर्नेछ । नत्र, दुवै बैंकको सेयर कारोबार कम्तिमा ३ वर्ष रोक्का हुनेछ । मर्जर भाँडिएपछि सेयर लगानीकर्तामाथि ठूलो अन्याय भएको छ भने सेयर लगानीमा जोखिम थपिदिएको छ ।

सिंहदरबारमा यसअघिः

हिमालयन–इन्भेष्टमेण्ट बिग मर्जर : नयाँ स्वाप रेसियो १००:७८, मतदानबाट हुँदैछ फैसला !

डीडीएमा इन्भेष्टमेन्ट भन्दा हिमालयन अब्बल, के हुन्छ मर्जर ?

हिमालयनसँग मर्जरमा जाने इन्भेस्टमेन्ट बैंकको निर्णय, अध्यक्ष पाँडे, सीईओ राणा

बिग मर्जर : नाम ‘हिमालयन एन्ड नेपाल इन्भेस्टमेन्ट’, अशोक राणा सीईओ, ज्योति पाण्डे डेपुटी, पाँडे अध्यक्ष

हिमालयन-इन्भेस्टमेन्ट मर्जरलाई दुवै बोर्डको स्विकृति, एकसाताभित्र एमओयू

बिग मर्जरः बिहीबार ३ बजे हिमालयन र इन्भेस्टमेन्टबीच सम्झौतापत्रमा हस्ताक्षर हुने

एक भए हिमालयन र इन्भेस्टमेन्ट, दुई महिनाभित्र एकीकृत कारोबार

हिमालयन र नेपाल इन्भेष्टमेन्ट बैंकको सेयर कारोबार रोक्का, कहिले खुल्ला ?

मर्जर अघि कस्तो देखियो हिमालयन र नेपाल इन्भेष्टमेन्टको प्रगति ?

कर्मचारी सञ्चय कोषका प्रशासक गौतम पदमुक्त, के हुन्छ हिमालयन र नेपाल इन्भेष्टमेन्टको मर्जर ?

पेचिलो बन्दै हिमालयन र नेपाल इन्भेस्टमेन्ट बैंकको मर्जर, भाँडिए के हुन्छ ?