सुपर कावेली खोला-ए र क्यासकेडमा एनएमबि बैंकको अगुवाइमा ३ अर्ब ५६ करोड ऋण लगानी

काठमाडौं । एनएमबि सुपर कावेली खोला ए र क्यासकेड जलविद्युत आयोजनाको मुख्य लगानीकर्ता एनएमबि बैंकले १३.५ मेगावाट तथा १२ मेगावाटका क्रमश सुपर कावेली खोला – ए जलविद्युत आयोजना तथा सुपर कावेली खोला क्यासकेड जलविद्युत आयोजनाहरुको मुख्य लगानीकर्ता भई वित्तीय व्यवस्थापन गरेको छ ।

प्रदेश १ अन्तर्गत ताप्लेजुङ्ग जिल्लामा रहेको सिरीजङ्घा गाउँपालिकामा निर्माण भईरहेको सुपर कावेली खोला – ए जलविद्युत आयोजना तथा सुपर कावेली खोला क्यासकेड जलविद्युत आयोजनाहरु क्रमश स्नो रिभर्स प्रा. लि. तथा हिल्टन हाइड्रो इनर्जीद्घारा निर्माण भइरहेको हो ।

यस आयोजनाहरुमा एनएमबि बैंक अगुवा बैंक रहेको छ भने सह—वित्तीयकरणमा सहभागी अन्य बैंकमा राष्ट्रिय वाणिज्य बैंक लिमिटेड रहेको छ । १३.५ मेगावाट (सुपर कावेली खोला – ए जलविद्युत आयोजना) तथा १२ मेगावाट (सुपर कावेली खोला क्यासकेड जलविद्युत आयोजना) क्षमता भएको आयोजनाहरुको कुल लागत क्रमश २ अर्ब ४१ करोड रुपैयाँ तथा २ अर्ब १४ करोड रुपैयाँ रहेको छ जसमध्ये बैकहरुको लगानी क्रमश १ अर्ब ८९ करोड रुपैयाँ तथा १ अर्ब ६७ करोड रुपैयाँ रहने जानकारी गराईएको छ ।

यो आयोजनासमेत एनएमबि बैंकले कुल ४३ वटा जलविद्युत आयोजनाहरुमा लगानी गरिसकेको छ । नेपाल राष्ट्र बैंकबाट जारी इन्भाइरोमेन्टल एण्ड सोसल मिटिगेशन गाइडलाइन्स २०१८ को निर्देशन अनुसार एनएमबि बैंकले वातावरणीय तथा सामाजिक निम्ती इन्भाइरोमेन्टल एण्ड सोसल पोलीसी तयार पारी त्यस बमोजिम बैंकले पर्यावरण तथा सामाजिक व्यवस्थापन प्रणाली इन्भाइरोमेन्टल एण्ड सोसल म्यानेजमेन्ट सिस्टम लागु गरिसकेको छ ।

एनएमबि बैंक द फाइनान्सियल टाइम्स लन्डनको ‘द ब्यान्कर’ पत्रिकाबाट एसियाकै सर्वाेत्कृष्ट बैंकको उपाधी ‘बैंक अफ द ईयर एसिया २०२१’ अवार्डबाट सम्मानित भएको छ । एनएमबि बैंकले सन् २०१७, २०१८, २०२० र २०२१ को लागि पनि उक्त पत्रिकाबाट चार पटक नेपालकैे उत्कृष्ट बैंकको सम्मान ‘बैंक अफ द इयर नेपाल’ पनि प्राप्त गरिसकेको छ । एनएमबि बैंकले हाल देशभरी २०१ शाखा, १३८ एटीएमहरू, ९ एक्सटेन्सन काउन्टरहरू मार्फत उच्चस्तरीय सेवा प्रदान गर्दै आइरहेको छ