सिंहदरबार संवाददाता
दिपक अग्रवाल, नाम नै झट्ट सुन्दा ‘सिल्भर स्पुन’ मारवाडी समुदायका नयाँ पुस्ताका व्यवसायी हुन् जस्तो सुनिन्छ ।
तर, उनको संघर्षको कथा रोचक छ । उनको जन्म वीरगञ्जमा भएको हो ।
प्राथमिक तहसम्मको शिक्षा वीरगञ्जमै र उच्च शिक्षा भारतमा गएर पुरा गरेका हुन् । भारतमा उच्च शिक्षा हासिल गरेपछि उनले वीरगञ्जको स्कुल टिचरबाट आफ्नो करियरको शुरुवात गरे । अग्रवालले वीरगञ्जमै केही समय आफ्नै कम्युटर इन्स्टिच्युट खोलेर पढाउने काम गरे । केही समय कम्युटर अपरेटरको काम गरेपछि उनी कर्पोरेट मोडेलमा प्रवेश गरेका हुन् ।
वीरगञ्जकै विभिन्न उद्योगहरुमा काम गरिरहेका अग्रवाललाई आफ्नो भविश्यको लक्ष्य पुरा भने राजधानीमै गएपछि हुन्छ भन्ने थियो । त्यसैले उनले वीरगञ्जमा हुँदै काठमाडौंको एक अडिट फार्ममा अडिटरको जागिर पक्का गरे । काठमाडौं आएर सन् २००७ देखि अडिटरको जागिर शुरु गरेका अग्रवाललाई युनाइटेड फाइनान्सको सिस्टम अडिट गर्ने अवसर प्राप्त गरे । सो समय अग्रवालको कामबाट प्रभावित भएर युनाइटेडका विष्णु अग्रवालले जागिरको अफर गरेका हुन् ।
हाल अग्रवाल एमएडब्लु ग्रुप अफ कम्पनीजका प्रबन्ध निर्देशक तथा नेपाल उद्योग परिसंघका अध्यक्ष अग्रवाल सो समय फाइनान्सको संस्थापक सञ्चालक थिए ।
कम्पनीको अडिटका काममा देखिएको समस्या सुल्झाउने जिम्मेवारी पाएका उनले करिब ४ वर्ष काम गरे ।
कर्पोरेट सेक्टरलाई आफ्नो करियर बनाएपनि उनलाई बैंकिङ जागिरले आफ्नो लक्ष्य पुरा नहुने महशुस गर्न थाले । तोकिएको जिम्मेवारी बिहान १० बजेदेखि ५ बजेसम्मको कार्यलयमा समय निभाइरहँदा आफैंभित्र आफु गुम्सिएको महशुस भएको उनी सुनाउँछन् ।
‘बैंकिङ जागिर भनेको रुटिन फर्म्याटमा हुन्छ, यो काम मलाई एकदम मोनोटोनस भएको महशुस हुन थाल्यो । त्यसपछि युनाइटेडबाट बाहिरिएँ’ अग्रवाल सुनाउँछन् ।
उनले युनाइटेड फाइनान्समा ४ वर्ष काम गरेका थिए । सो अवधिमा पोर्टफोलियो बढाउने, शाखा विस्तार लगायत व्यवसाय वृद्धिमा महत्वपूर्ण योगदान दिएर बाहिरिएको उनी दावी गर्छन् ।
‘कुल ५० करोड रुपैयाँ पोर्टफोलियो भएको कम्पनीलाई अढाइ सय करोड रुपैयाँको बनाएर निस्किएको थिएँ भने १२ वर्षसम्म कुनै पनि ब्राञ्च नखुलेको कम्पनीले मेरो लिडरसीपमा ५ वटा ब्रान्च खोलेको थियो,’ उनी सुनाउँछन् ।
फाइनान्सबाट बाहिरिन चाहेपछि बिष्णु अग्रवालले नै उनलाई मोरङ्ग अटो वर्कस् अन्तर्गतको स्कोडा गाडीको बिजेनेश हेडको जिम्मेवारी सुम्पिए । करिब ५ वर्ष स्कोडाको बिजनेश हेडको जिम्मेवारी निभाउँदा नै अग्रवाल अटोमोबाइल्स क्षेत्रमा ब्राण्डको मार्केटिङ र सेल्स लगायतमा पोख्त भएका हुन् ।
‘त्यस बेला नेपालमा जापानिज ब्राण्डको बाहुल्यता बढी थियो, हामीले मार्केटिङ्गको डाइमानिक्स नै परिवर्तन गर्यौं । युरोपियन ब्राण्डको रुपमा स्काडालाई नेपालमा स्थापित गराउन सफल भयौं,’ उनी सुनाउँछन् ।
पछिल्लो ७ वर्षदेखि अग्रवाल जगदम्बा मोटर्समा आबद्ध छन् । महेन्द्रा टु ह्विलर बिक्री गरिरहेको जगदम्बा मोटर्स २०१५ मा टीभिएसको नेपालका लागि आधिकारिक वितरक बन्यो । सो समयमा अटो बजारका ब्राण्डहरुबीच अन्य ब्राण्डहरुको सूचीमा पर्ने टीभीएसलाई आफ्नो बलबुताले ‘नम्बर २ ब्राण्ड’ बन्न सफल भइसकेको दिपक अग्रवाल दावी गर्छन् । जगदम्बा मोटर्सलाई टु ह्विलरको टिभिएसमा मात्र केन्द्रित नभएर अटोमोबाइल हब कै रुपमा स्थापित गराउने योजनामा उनी छन् ।
‘हामी अरु कम्पनीहरुसँग काम गर्दा टिभिएसलाई ‘अदर्स ब्राण्ड’ मा गणना गरिन्थ्यो, त्यसलाई हामीले नम्बर ६, ५, ४, ३ गर्दै अहिले २ नम्बरसम्म ल्याइसकेका छौंँ,’ अग्रवाल सुनाउँछन्, ‘अब अटो मोबाइल्स क्षेत्रमा नम्बर वान युनिटको रुपमा जगदम्बा मोर्टसलाई स्थापित गराउँछौं ।’
उनको मिहिनेतले ७ वर्षका बीचमा टिभिएसले यो उचाइ प्राप्त गरेको हो । केही समयभित्रै यसलाई १ नम्बरको ब्राण्ड बनाउने उनको योजना छ । यसका लागि उनी र उनको टिमले आजदेखि नै काम गरिहेका छन् ।
‘म जगदम्बामा आवद्ध हुँदा जगदम्बाले सानो घरबाट ५० जनाको टिमले अफिस शुरु गरेको थियो । कम्पनी अहिले कर्पोरेट हाउसका रूपमा स्थापित भइसकेको छ,’ उनले सुनाए, ‘अहिले टिममा नै ७ सय जना छौंँ । सानो एउटा वेयरहाउस अहिले नेपालभरी ४ वटा वेयर हाउस भइसकेको छ ।’
बजाजपछि जगदम्बा नेपालमा एसेम्बिलिङ्ग प्लान्ट चलाउने टीभीएस दोस्रो कम्पनी हो । टिभिएसको एसेम्बलिङ प्लान्टको उनी आफैं लिड गर्छन् । लिडरसीप र एसेम्बिलिङ्ग प्लान्समा अभ्यस्त हुन उनलाई धेरै चुनौती सामना गर्नु परेको उनी सुनाउँछन् ।
‘पहिलो, दोस्रो सीकेडी प्लान्टसमा एसेम्बिलिङ्ग पनि लिएर आउँदा धेरै चुनौती थिए । संस्थालाई लिडरको रुपमा मैले नै हाकिरहेको हुँदा यसको सकारात्मक/नकारात्मक दुबै चुनौतीको जिम्मेवारी मैले नै लिनु पर्छ,’ उनले भने, ‘तर, टिम वर्क राम्रो हुनाले आज हामी यहाँ छौं । हामी अहिले पनि रोकिएका छैनौं । थप उचाइमा पुर्याउने लक्ष्य राखेका छौंं ।’
सामान्य स्कुलका शिक्षकदेखि जगदम्बाको उपाध्यक्षको जिम्मेवारी सम्हालिरहँदा उनी आफूलाई भाग्यको साथ नभएर मेहनत र लगनको साथ भएको मान्छन् । यी सबैबाट खारिएर आज उनी यहाँ आइपुगेका छन् । यो संर्घषको कथामा उनले थुप्रै आरोव अवरोधहरु पार गरेका छन् ।
‘सामान्य परिवारबाट आएको हुँ, सामान्य स्कुल टिचरबाट करियर शुरु गर्दादेखि यहाँसम्म आउँदा मेहनतलाई नै आफ्नो सफलता मान्छु, आज जहाँ छुँ त्यसमा पूर्ण सन्तुष्ट छु,’ उनले आफ्नो सन्तुष्टि सुनाए ।
शंकर ग्रुपको महत्वपूर्ण बिजनेस इन्टिटी जगदम्बा मोटर्सको उपाध्यक्ष तथा निर्देशकको भुमिकामा अहिले उनी छन् । यतिमात्र नभएर आज उनी मुलुकको राजस्वमा ठुलो हिस्सा ओगट्ने र ठुलो व्यवसायी समुह आवद्ध रहेको नाडाको कार्यसमिति सदस्यको तेस्रो कार्यकाल चुनाव लडिरहेका छन् ।
नाडाको चुनावमा ध्रुव थापाको टिम भित्रका उनी ‘कि–प्लेयर’ हुन् । थापालाई चुनाव जिताउनेको जिम्मेवारी लिएर उनी सोही अनुसार भुमिका निर्वाह गर्दैछन् ।
‘नाडामा नेतृत्वका लागि मेहनत जारी छ,’ उनले सुनाए, ‘विगतमा म निर्विरोध कार्यसमिति सदस्य भएको थिएF । यस पटकको चुनावमा म ध्रुव थापा प्यानल टिममा छु । हाम्रो टिमले साझा नाडा बनाउने प्रयास छ ।’
थापा प्यालनका सबै साथीहरु निर्वाचनमा विजयी भएमा सबैको साझा नाडाको स्लोगन सार्थक बन्न सक्ने हुँदा सबै अटोमोबाइल्स व्यवसायीहरुलाई आफ्नो एक मत दिन उनको आग्रह छ ।
प्रतिक्रिया दिनुहोस्