सिंहदरबार संवाददाता
काठमाडौं । नेशनल माइक्रोफाइनान्स लघुवित्त वित्तीय संस्थाले लाभांशको घोषणा गरेको छ । संस्थाले आर्थिक वर्ष २०७७/७८ को मुनाफाबाट सेयरधनीहरुलाई लाभांश दिने घोषणा गरेको हो ।
मंसिर १ गते बसेको सञ्चालक समितिको १२३ बैठकले हाल कायम रहेको चुक्ता पुँजीको ४० प्रतिशतका दरले हुन आउने १६ करोड ७६ लाख २१ हजार रुपैयाँ बराबरको बोनस सेयर र ५ प्रतिशतका दरले हुन आउने २ करोड ९ लाख ५२ हजार रुपैयाँ कर सहितको नगद लाभांश गरी कुल ४५ प्रतिशत लाभांश दिने घोषणा गरेको हो ।
हाल कम्पनीको चुक्ता पुँजी ४१ करोड ९० लाख ५३ हजार रुपैयाँ रहेको छ । ४० प्रतिशतका दरले हुन आउने १६ करोड ७६ लाख २१ हजार रुपैयाँ बराबरको बोनस सेयर पछि कम्पनीको चुक्ता पुँजी ५८ करोड ६६ लाख ७४ हजार रुपैयाँ पुग्ने छ ।
उक्त प्रस्तावित लाभांश नेपाल राष्ट्र बैंकको स्वीकृति र लघुवित्तको आगामी वार्षिक साधारणसभाबाट पारित भएपछि वितरण गरिनेछ ।
प्रतिक्रिया दिनुहोस्