सिंहदरबार संवाददाता
काठमाडौं । नेपाली काँग्रेसका नेता गगन थापाले आगामी चुनावमा एमाले भन्ने पार्टीलाई कुचोले बढार्नुपर्ने बताएका छन् । एमाले नेता महेश बस्नेतको गृह नगर सुर्य विनायकमा आयोजीत पार्टी कार्यक्रममा काँग्रेस नेता थापाले एमालेलाई कुचो, भ्याकुम लगाएर बढार्नुपर्ने बताएका हुन् ।
एमालेको दम्भका कारण संबिधान र संघीयता नै धरापमा परेकाले त्यसको रक्षाका लागि पनि एमालेलाई बढार्नुपर्ने दावी पनि गरे ।
एमाले कुनै पार्टी नभएर ओली एण्ड कम्पनी मात्रै भएको आरोप पनि लगाए । एमालेलाई पत्ता साफ गराउन काँग्रेस एक्लै काफी रहेको बताउँदै नेता थापाले गठबन्धन गरेर एमालेलाई धुलो चटाउने घोषणा समेत गरे । ‘काँग्रेस एक्लै लड्दा पनि पहिलो पार्टी भएको थियो, ओलीले एक्लै आउनुस भनेका छन्, हामी एक्लै लड्न पनि तयार छौं, गठबन्धन बनायौं भने एमालेलाई धुलै चटाउन सक्छौं’, थापाले भने ।
प्रतिक्रिया दिनुहोस्