सामलिङ पावर कम्पनीको आइपीओ बाँडफाड, तपाईंलाई पर्‍यो ? (यहाँ हेर्नुहोस्)

काठमाडौं । सामलिङ पावर कम्पनीको साधारण सेयर (आइपीओ) बाँडफाड भएको छ । कम्पनीले बिक्री गर्ने गरेको ७ लाख ३० हजार कित्ता आइपीओ नेपाल एसबिआई मर्चेण्ट बैंकिङ्गको कार्यालयमा गोलाप्रथामार्फत् बाँडफाँड गरिएको हो ।

सामलिङ्ग पावर कम्पनीको आईपीओमा कात्तिक ४ गतेबाट आवेदन खुलेको थियो ।

कम्पनीले जारी गरेको आइपीओमा २१ लाख ९८ हजार ७ सय ६४ जनाबाट आवेदन परेको थियो । जसमध्ये ९ हजार ९ सय ८६ जनाको आवेदन रद्द भएको छ ।

कम्पनीका अनुसार योग्य २१ लाख ८८ हजार ७ सय ७८ जना आवेदकमध्ये ६७ हजार ८ सय १० जनाले १०-१० कित्ता सेयर पाएका छन् ।

कम्पनीले निष्काशन गरेको कुल सेयरमध्ये दुई प्रतिशत अर्थात् १४ हजार ६०० कित्ता सेयर कर्मचारीहरुका लागि र पाँच प्रतिशत अर्थात् ३६ हजार ५०० कित्ता सेयर सामूहिक लगानी कोषका लागि छुट्याइएको थियो । बाँकी ६ लाख ७८ हजार ९०० कित्ताका लागि सर्वसाधारणले आवेदन दिएका थिए ।

कम्पनीको आइपीओ रिजल्ट मेरो सेयर र सामलिङ पावरको वेव साइटमा हेर्न सकिन्छ ।

रिजल्ट हेर्न यहाँ क्लिक गर्नुस्…

मेरो सेयरको वेव साइट– https://iporesult.cdsc.com.np/

सामलिङ पावर कम्पनीको वेबसाइट- https://spcl.com.np/