सिंहदरबार संवाददाता
काठमाडौं । सिद्धार्थ बैंकले तीन महिनामा ९४ करोड रुपैयाँ नाफा आर्जन गरेको छ । बैंकले गत आर्थिक वर्षको असोज मसान्त अवधीमा जम्मा ५० करोड रुपैयाँ नाफा आर्जन सफल भएको थियो । सिद्धार्थको वितरण योग्य नाफा भने २९ करोेड रुपैयाँ रहेको छ ।
बैंकले चालु आवको पहिलो त्रैमासिक सकिँदासम्म एक खर्ब ७३ अर्ब रुपैयाँ कर्जा लगानी गरेको छ । जबकी गत आवको सोही अवधीमा त्यस्तो कर्जा लगानी एक खर्ब ५८ अर्ब थियो । बैंकले पहिलो त्रैमासिक अवधीमा एक अर्ब ७५ करोड रुपैयाँ खुद ब्याज आम्दानी गरेको छ जबकी गत आवको सोही अवधीमा त्यस्तो आम्दानी एक अर्ब ३४ करोड रुपैयाँ मात्रै थियो ।
बैंकले एक खर्ब ८३ अर्ब रुपैयाँ निक्षेप संकलन गरेको छ । गत आवको सोही अवधीमा त्यस्तो निक्षेप एक खर्ब ८० अर्ब थियो । १० अर्ब ९६ करोड रुपैयाँ चुक्ता पुँजी भएको बैंकको रिजर्भमा ८ अर्ब २ करोड रुपैयाँ रहेको छ ।
बैंकको आधार ब्याजर ७.५७ प्रतिशत र स्प्रेड दर ३.४७ प्रतिशत रहेको छ । सिद्धार्थको प्रति सेयर आम्दानी ३३.६१ रुपैयाँ रहेको छ भने प्रति सेयर नेटवर्थ १८८.१३ रुपैयाँ रहेको छ ।
प्रतिक्रिया दिनुहोस्