सिंहदरबार संवाददाता
काठमाडौंं । शिभम् सिमेन्टले २९ प्रतिशत लाभांश वितरण गर्ने भएको छ । गत आर्थिक वर्षको सञ्चित नाफाबाट चुक्ता पुँजीको २९ प्रतिशत नगद लाभांश वितरण गर्ने भएको हो ।
हाल कम्पनीको चुक्ता पुँजी ४ अर्ब ४० करोड रुपैयाँ छ । घोषित २९ प्रतिशत नगत लाभांश १ अर्ब २७ करोड ६० लाख रुपैयाँ हुन आउँछ ।
कम्पनीको असोज २२ गते बसेको ९२औं संचालक समितिको बैंठकले कर प्रयोजन सहित आगामि साधारण सभामा सो नगद लाभांश वितरण गर्ने निर्णय गरेको छ । कम्पनीले आगामी कात्तिक १६ गते साधारण सभाको मिति तय गरेको छ ।
साधारण सभामा कर्जा लिने सम्बन्धमा संचालक समितिलाई अख्तियारी दिने, कच्चा पदार्थ बिक्री गर्ने, लेखापरीक्षक नियुक्त लगायत सबै प्रस्ताव पेश हुनेछ ।
प्रतिक्रिया दिनुहोस्