सिंहदरबार संवाददाता
काठमाडौं । महालक्ष्मी लाईफ इन्स्योरेन्सले सुदुरपश्चिमको बेलौरी कंचनपुर र टिकापुर कैलालीमा ” युवा संग – महालक्ष्मी लाईफ” कार्यक्रम सम्पन्न गरेको छ । आर्थिक वर्ष २०७८/०७९ भित्र २५ वटा भन्दा बढी जिल्लामा “युवा संग- महालक्ष्मी लाईफ” बीमा जागरण राष्ट्रिय अभियान संचालन गर्ने लक्ष्यअनुसार कार्यक्रम आयोजना गरिएको हो ।
अभियान अन्तर्गत बेलौरीको महाकाली बहुमुखि क्याम्पसमा मिति २०७ असोज १७ गते सम्पन्न कार्यक्रममा स्नातक तहका १५० भन्दा बढी विद्यार्थीहरुको सहभागिता थियो ।
क्याम्पस प्रमुख धर्मराज जोशीको अध्यक्षतामा भएको बीमा जनचेतना कार्यक्रममा सहायक क्याम्पस प्रमुख गंगा प्रसाद रिजाल, कम्पनीका क्षेत्रिय प्रमुख हर्क बहादुर बोहराले कार्यक्रमको महत्व बारेमा मन्तव्य राखेका थिए । कम्पनीका बेलौरी कार्यालय प्रमुख प्रदिप तिवारीले संचालन गरेको कार्यक्रममा नायव प्रमुख कार्यकारी अधिकृत कमल पन्थीले बीमा बारेमा प्रशिक्षण प्रदान गरे ।
त्यसै गरी आज विहान कैलालीको टिकापुर स्थित टिकापुर बहुमुखि क्याम्पसमा पनि “युवा संग- महालक्ष्मी लाईफ” कार्यक्रम सम्पन्न भएको छ । कार्यक्रममा ७० भन्दा बढिको सहभागिता थियो । निमित्त क्याम्पस प्रमुख धन कृष्ण उपाध्यायको अध्यक्षतामा सम्पन्न कार्यक्रममा कम्पनीका नायव प्रमुख कार्यकारी अधिकृत कमल पन्थीले सहभागी विद्यार्थीहरुलाई बीमा बारे प्रशिक्षण दिएका थिए । कम्पनीले यस अघि पर्सा, बारा, रौतहट, मोरङ र कैलाली जिल्लामा कार्यक्रम सम्पन्न गरिसकेको छ । भने यसै हप्ता म्याग्दी, वागलुङ र तनहुमा कार्यक्रम गर्ने लक्ष्य राखेको छ ।
प्रतिक्रिया दिनुहोस्