सिंहदरबार संवाददाता
काठमाडौं । सेयर बजारमा ५० अंकको सुधार आएका छ । बुधबार नेप्से परिसूचक ५०.५८ अंकले बढेर २६६५.९४ अंकमा आइपुगेको थियो ।
३ दिनमा २०१ अंकले खस्किएर नेप्से ५ महिनाकै न्यून बिन्दुमा पुगेको थियो । बुधबार भने १.९३ प्रतिशतले बढेको हो ।
पछिल्लो ३ दिन सेयर बजारमा कम्पनीहरूको मूल्यमा उच्च गिरावट भइरहेको थियो ।
कारोबार आएका १७८ कम्पनीको सेयर मूल्य बढ्दा नेप्सेमा उच्च सुधार आयो । आज ११ कम्पनीको मात्र सेयर मूल्य घटे ।
कारोबार सुरू भएसँगै बढ्ने संकेत गरेको नेप्से केहीबेर ह्वात्तै घटेको थियो । त्यसपछि परिसूचक सम्हालिएर सुधार आएको हो ।बुधबारको बजारमा २२९ स्क्रिप्टका ९८ लाख कित्ता सेयर ५ अर्ब २ करोड रूपैयाँमा किनबेच भए ।
आज २ कम्पनीको सेयर मूल्यमा सर्किट लाग्दा अरू ६ वटाको मूल्यमा ९ प्रतिशतभन्दा बढीको सुधार आयो ।
प्रतिक्रिया दिनुहोस्