सिंहदरबार संवाददाता
काठमाडौं । नेप्से परिसूचक एकैदिन ११४ अंकले घटेको छ । सोमबार सेयर बजारमा भारी पहिरो गएको हो ।
कारोबार भएका १ सय ८१ कम्पनीको सेयर मुल्य घट्दा नेप्से परिसूचक ११४.०२ अंकले घटेर २६९८.२५ अंकमा आइपुग्यो ।
बजारमा ४ कम्पनीको मात्र सेयर मूल्य बढेका छन् ।
कारोबार सुरू भएदेखि नै घटेको सेयर बजारमा कारोबार अवधिभर २ सय २५ स्क्रिप्टका १ करोड ७३ लाख कित्ता सेयर ८ अर्ब ४९ करोड रूपैयाँमा किनबेच भए ।
नेप्सेमा गिरावट आएपनि मनकामना स्मार्टको सेयर मूल्य १० प्रतिशतले बढेको छ ।
सेयर कारोबारीहरू लगातार सस्तोमा सेयर बेच्न तयार हुँदा दर्जन कम्पनीको सेयर मूल्यमा ऋणात्मक सर्किट लागेको छ ।
प्रतिक्रिया दिनुहोस्