सिंहदरबार संवाददाता
काठमाडौं । मेगा म्युचुअल फन्ड अन्तर्गत सञ्चालन हुने बन्दमुखी योजना ‘मेगा म्युचुअल फन्ड–१’ को ८ करोड ५० लाख कित्ता एकाइ बाँडफाँड भएको छ । प्रति एकाइ १० रुपैयाँ दरको १० करोड एकाइ मध्ये ८ करोड ५० लाख एकाइको सार्वजनिक निष्काशन बाँडफाँड भएको हो ।
यो म्युचुअल फन्डमा सामुहिक लगानी कोष इतिहासमा सबै भन्दा धेरै आवेदनको नयाँ कीर्तिमान कायम भएको छ । जसमा १ लाख ६३ हजार ६ सय ४६ आवेदकले २० करोड १४ लाख ५५ हजार ६ सय एकाइ खरीदका लागि आवेदन परेको छ हो । जुन बिक्रीको लागि माग गरिएको आवेदन रकम भन्दा २.३७ गुणा बढी हो ।
मागभन्दा अधिक एकाइका लागि आवेदन परेकोले धितोपत्र बोर्डले जारी निर्देशिका बमोजिम कोषको कुल आकारको अधिकतम २५ प्रतिशत थप गरी प्रति एकाइ १० रुपैयाँ दरको १२ करोड ५० लाख एकाइ अर्थात् १ अर्ब २५करोड रुपैयाँको योजनाको आकार निर्धारण गरी बाँडफाँड गरिएको छ । उक्त योजनामा सर्वसाधारण लगानीकर्ता र संस्थागत लगानीकर्ताको अनुपात ६१ः३९ कायम भएको छ ।
१० करोडमध्ये १ करोड ५० लाख वा कुल बिक्री भएको एकाइ संख्याको न्युनतम १५ (पन्ध्र) प्रतिशत एकाइ कोष प्रवद्र्धक मेगा बैंक नेपाल लिमिटेडको लागि सुरक्षित राखि बाँकी एकाइ बिक्री गरिएको हो ।
धितोपत्र बाँडफाँड सम्बन्धी निर्देशिका, २०७४ को निर्देशन ३० बमोजिम बाँडफाँड तालिका अनुसार कुल आवेदन मध्ये १ सय एकाइ देखि ३ लाख ५० हजार एकाइसम्म आवेदन माग गर्ने १ लाख ५५ हजार ८ सय ६४ जनालाई माग गरे बमोजिम एकाइ बाँडफाँड गरिएको छ । यस्तै ५ लाख देखि १ करोड एकाइसम्म आवेदन गर्ने ३४ जना आवेदकलाई ४ लाख ३६ हजार ३ सय ३० एकाइ बाँडफाँड गर्नुका साथै बाँकी २९० एकाइ ३४ जना मध्ये २९ जना आवेदकहरुलाई गोलाप्रथा मार्फत थप १०–१० एकाइ बाँडफाँड गरिएको छ ।
प्रतिक्रिया दिनुहोस्