सिंहदरबार संवाददाता
काठमाडौं । लगानी बोर्डको कार्यालय स्थापनाको १० वर्षमा ११ अर्ब डलरबराबरको परियोजनामा विदेशी लगानी स्वीकृत गरेको छ । बोर्डले परियोजना तथा अध्ययन अघि बढाउन सो रकम बराबरको विदेशी लगानी अनुमोदन गरेको हो ।
बोर्डले भदौ २३ गते स्थापनाको १० वर्ष पुरा गर्दै छ । बोर्डबाट हालसम्म ३३ परियोजना अघि बढेका छन् । जसमध्ये सबैभन्दा बढी १६ वटा ऊर्जा परियोजना छन् । यस्तै ६ वटा खानी तथा खनीज, पर्यटन, यातायात र सहरी विकासका ३–३ वटा र उत्पादनमुलक क्षेत्रका २ वटा परियोजना बोर्डमार्फत् अघि बढेका छन् ।
बोर्डबाट लगानी स्वीकृति पाएका ३३ मध्ये ७ वटा परियोजनाले अध्ययनका लागि मात्र अघि बढेका हुन् । जसमध्ये १ अर्ब २७ करोड डलर विदेशी लगानी अध्ययनका लागि मात्र स्वीकृत भएको हो ।
बोर्डबाट लगानीको अनुमति पाएका ऊर्जा परियोजना ५ अर्ब ५० करोड डलर बराबरका हुन् । यस्तै उत्पादनमुलक क्षेत्रमा ६९ करोड, खानी तथा खनीज क्षेत्रमा १ अर्ब ९२ करोड, पर्यटनमा २ अर्ब ५१ करोड, यातायातमा १९ करोड र सहरी पूर्वाधारमा ६ करोड डलर विदेशी लगानी स्वीकृत भएको छ ।
तथ्यांकः लगानी बोर्डको कार्यालय
यी हुन् काम सुरु भएका परियोजनाहरूः
लगानी स्वीकृत भएका केही परियोजनाको निर्माण सुरू भइकेपनि सम्पन्न भएको भने छैन ।
प्रतिक्रिया दिनुहोस्