सिंहदरबार संवाददाता
काठमाडौं । मानुषी लघुवित्त वित्तीय संस्थाको आईपीओ बाँडफाँट भएको छ । बिक्री प्रबन्धक नेपाल एसबीआई मर्चेन्ट बैंकिङले गोलाप्रथाबाट बाँडफाँट गरेको आईपीओ ३ जनालाई ११।११ कित्ता परेको छ भने बाँकी ३६ हजार ८ सय ५६ जनाले १०।१० कित्ता पाउका छन् ।
मानुषीको आईपीओमा २३ लाख ५४ हजार ७ सय ८४ जनाले २ करोड ९५ लाख ७४ हजार ७ सय ५० कित्ताका लागि आवेदन दिएका थिए ।
कम्पनीले साउन २७ गतेदेखि ३१ गतेसम्म ३ लाख ९३ हजार ७ सय ५० कित्ता आईपीओ निष्काशन खुला गरेको थियो ।
कुल निष्काशनमध्ये ५ हजार ४ सय ६९ कित्ता कर्मचारीको लागि र १९ हजार ६ सय ८८ कित्ता सामुहिक लगानी कोषको लागि छुट्याएको थियो । बाँकी रहेको ३ लाख ६८ हजार ५९३ कित्ता सर्वसाधारणको लागि निष्काशन गरिएको थियो ।
कम्पनीको हाल कायम चुक्तापूँजी ७ करोड रहेको छ । आईपीओ बाँडफाँटपछि चुक्ता पूँजी १० करोड ९३ लाख पुग्नेछ ।
प्रतिक्रिया दिनुहोस्