सिंहदरबार संवाददाता
काठमाडौं । १७.४ प्रतिशत नेपाली जनता अझै गरिबीको रेखामुनी रहेको पाइएको छ । राष्ट्रिय योजना आयोगले प्रकाशन गरेको मल्टीडाइमेन्सनल पोभर्टी इन्डेक्स (बहुआयामिक गरिकी सुचकांक) प्रतिवेदनका आधारमा ४९ लाख ८० हजार नेपाली नागरिक अझै गरिब रहेको खुलेको हो ।
यो प्रतिवेदन सन् २०१९ को तथ्यांकका आधारमा तयार पारिएको हो ।
प्रतिवेदनका आधारमा सबैभन्दा गरिब प्रदेश कर्णाली प्रदेश हो । कर्णालीका ३९.५ प्रतिशत नागरिक गरिब रहेको प्रतिवेदनमा उल्लेख छ ।
संख्याका आधारमा सबैभन्दा बढी गरिब जनसंख्या प्रदेश नं. २ मा छ । सो प्रदेशका १२ लाख ९६ हजार नागरिक गरिब रहँदा गण्डकीमा सबैभन्दा कम २ लाख २७ हजार जना गरिब छन् ।
पाँच वर्षमा नेपालको गरिबी दर १२.७ प्रतिशतले ओर्लिएको छ । यसअघि सार्वजनिक सन् २०१४ को तथ्यांकअनुसार ३०.१ प्रतिशत नेपाली नागरिक गरिब रहेकामा सन् २०१९ मा १७.४ प्रतिशतमा झरेको हो ।
५ वर्षमा ३१ लाख जनसंख्या गरिबीबाट छुटकारा पाएका छन् ।
गरिबीको दर घटाउन सबैभन्दा बढी योगदान प्रदेश नं. २ को छ । जहाँ गरिबको संख्या आधाले घटेको छ । प्रतिवेदनले खाना पकाउन प्रयोग हुने ऊर्जा र घरायसी सुविधाबाट सबैभन्दा बढी बञ्चित रहेको देखाउँछ ।
प्रतिक्रिया दिनुहोस्