सिंहदरबार संवाददाता
काठमाडौं । नेकपा(एमाले)को एकता जोगाउने की भत्काउने भन्ने निर्णायक दिन हो आज । ओली एमालेले केन्द्रिय कमिटीको बैठक डाकेको छ भने नेपाल पक्षले त्यसलाई रोक्न माग गरेका छन् ।
ओली समुहले दिउँसो ३ बजेका लागि डाकेको केन्द्रिय कमिटी बैठक भदौ २७ र २८ गतेका लागि प्रस्तावित विधान महाधिवेशन र साउन २७ भित्रै मातहतका कमिटीहरुको सुझाव संकलन गर्ने भनेको छ ।
ओलीले पार्टी एकताका लागि केन्द्रिय कमिटी बैठक रोकेर संवाद थाल्छन् वा बिधान महाधिवेशनको कार्यतालिका अनुसार अघि बढ्ने निर्णय गराउँछन् ? त्यसले नै एमालेको एकता वा विभाजनको प्रष्ट रेखा कोर्नेछ ।
माधव नेपाल समुहको केन्द्रिय कमिटी बैठकले पार्टी एकताका लागि आवश्यक लचकतासहित प्रयास गर्ने निर्णय गरेको थियो । नेपाल समुहले प्रतिनिधी सभा बिघटन प्रति आत्मालोचना, सर्वाेच्च अदालतको फैसलाको सम्मान, २०७५ जेठ २ अघिको संगठन संरचना र आगामी दिनमा अध्यक्ष ओली र बरिष्ठ नेता नेपालले पार्टीका निर्णयहरुमा अनिवार्य हस्ताक्षर गर्नुपर्ने अडान राख्दै आएको छ ।
प्रतिक्रिया दिनुहोस्