सिंहदरबार संवाददाता
काठमाडौं । सानिमा लाइफ इन्स्योरेन्स कम्पनीको आईपीओमा आवेदन दिने आज अन्तिम दिन हो । कम्पनीले प्रति कित्ता एक सय रुपैयाँ मूल्य अंकित ६० लाख कित्ता आईपीओका लागि साउन २० गतेदेखि आवेदन खुला गरेको थियो ।
न्युनतम १० कित्तादेखि अधिकतम ३० हजार कित्तासम्म आवेदन दिन सकिने आईपीओमा तेस्रो दिनसम्म १९ लाख १८ हजार ५ सय ५७ जनाको आवेदन परिसकेको थियो ।
उनीहरुले २ अर्ब ९९ करोड ८३ लाख ६२ हजार रकम बराबरको २ करोड ९९ लाख ८३ हजार ६ सय २० कित्ता सेयरको लागि आवेदन दिएका हुन् । आईपीओको निष्काशन तथा बिक्री प्रबन्धक प्रभु क्यापिटल हो ।
निष्काशन गरिएको ६० लाख कित्ता मध्ये सामुहिक लगानी कोषलाई ५ प्रतिशत तथा कर्मचारीलाई ५ प्रतिशत छुट्याई बाँकी रहेको ५४ लाख कित्ता सेयर सर्वसाधारणलाई निष्काशन गरिएको हो ।
प्रतिक्रिया दिनुहोस्