सिंहदरबार संवाददाता
काठमाडौं । नेप्से परिसूचक हालसम्मकै उच्च बिन्दुमा पुगेको छ । बुधबार नेप्से १६.०५ अंकले बढेर ३१२३.१५ अंकमा पुगेको हो ।
परिसूचक ०.३९ प्रतिशतले बढेर नयाँ इतिहास रचेको हो ।
कारोबारमा आएका १ सय कम्पनीको सेयर मूल्य बढ्दा परिसूचकमा सुधार आएको हो । आज ८ वटा कम्पनीको सेयर मूल्य १० प्रतिशतले बढे ।
नेप्सेमा यो लगानतार दोस्रो किर्तिमान हो । अघिल्लो दिन परिसूचक ३१११ अंक पुगेर नयाँ इतिहास रचेको थियो ।
नेप्से परिसूचकले इतिहास रचेको दिन बजारमा २ सय २५ स्क्रिप्टका २ करोड ८८ लाख कित्ता धितोपत्र १५ अर्ब ५९ करोड रूपैयाँमा किनबेच भए ।
प्रतिक्रिया दिनुहोस्