सिंहदरबार संवाददाता
काठमाडौं । युनियन लाइफ इन्स्योरेन्स कम्पनीको आईपीओमा करिब ६ गुणा बढी आवेदन परेको छ । कम्पनीको प्राथमिक निष्काशनमा चौथो तथा अन्तिम दिन ५.९१ गुणाले ओभर सब्स्क्राइब भएको हो ।
कम्पनीको ६४ लाख ५० हजार कित्तामध्ये सामुहिक लगानी कोषलाई ५ प्रतिशत तथा कर्मचारीलाई ५ प्रतिशत छुट्याई बाँकी रहेको ५८ लाख ५ हजार कित्ता सेयर निष्काशन गरिएको हो ।
निष्काशनको अन्तिम दिन अपरान्ह ५ बजेसम्म २१ लाख ७२ हजार ८ सय ६८ जना सर्वसाधारण लगानीकर्ताहरुबाट ३ अर्ब ४३ करोड ६१ लाख ८२ हजार रकम बराबरको ३ करोड ४३ लाख ६१ हजार ८ सय २० कित्ता सेयरको लागि आवेदन परेको छ । आईपीओको निष्काशन तथा बिक्री प्रबन्धकको कार्य प्रभु क्यापिटल हो ।
आवेदकको संख्या १० कित्ता पाउने ५ लाख ८५ हजार जनाभन्दा ३.७ गुणा बढी हो । अर्थात् हरेक ११ जना आवेदकमध्ये ३ जनाले १०–१० कित्ता सेयर पाउनेछन् ।
आस्बा अन्तरगतका बैंकहरुमा आस्बामार्फत थप विवरण अझै अपडेट हुने क्रममा छ ।
प्रतिक्रिया दिनुहोस्