सिंहदरबार संवाददाता
काठमाडौं । नेपाल इन्भेष्टर्स फोरमका अध्यक्ष छोटेलाल रौनियारले ब्रोकर कमिसन पुनः घटाउन माग गरेका छन् । धितोपत्र बोर्डले आगामी आर्थिक वर्षका लागि नीति तथा कार्यक्रम बनाउन सुझाव संकलनका लागि आयोजना गरेको कार्यक्रममा उनले ब्रोकर कमिसन अझै ठूलोमा घटाउनुपर्ने बताएका हुन् । यसअघि बोर्ड ब्रोकर कमिसन घटाउँदा कन्जुस्याई गरेको आरोप पनि उनले लगाए ।
उनले तत्कालै बैंकका सहायक कम्पनीहरुलाई ब्रोकर लाइसेन्स दिनुपर्नेमा पनि जोड दिए । बैंकका सहायक कम्पनीलाई लाइसेन्स दिँदा बजारको दिगो विकासमा अझै सहयोग पुग्ने पनि उनले बताए । उनले बजार बेलुन जस्तो फुलेकाले घटाउनुपर्छ भन्ने आवाज उठ्नु दुःखद भएको बताए । बजारमा केहि निश्चित कम्पनीहरुको मात्रै सेयर मूल्य बढेकाले बजार फुलेको भन्ने तर्क गलत भएको दावी पनि गरे ।
प्रतिक्रिया दिनुहोस्