सिंहदरबार संवाददाता
काठमाडौ । सीवाईसी नेपाल लघुवित्त वित्तीय संस्थाले सर्वसाधारणका लागि करिब ४ करोड रुपैयाँ बराबरको ४ लाख कित्ता आईपीओ जारी गर्ने भएको छ । कम्पनीले संस्थाले प्रति कित्ता अंकित मूल्य १ सय रुपैयाँका दरको ३ लाख ९५ हजार ३ सय ३५ कित्ता साधारण सेयर निष्काशन गर्ने भएको हो ।
यो आईपीओ १०–१० कित्ताका दरले करिब ४० हजार जनालाई पर्नेछ ।
कम्पनीले आईपीओ निष्कासन गर्न ग्लोबल आईएमई क्यापिटललाई निष्कासन तथा बिक्री प्रबन्धकमा नियुक्त गरेको छ।
लघुवित्तले हालै मात्र शालिग्राम लघुवित्त वित्तीय संस्थालाई प्राप्ति गरेको छ । संस्थाको अधिकृत पुँजी २० करोड रुपैयाँ र जारी पुँजी १२ करोड १६ लाख ४१ हजार रुपैयाँ छ । कम्पनीले ३७ वटा शाखा कार्यालयमार्फत ४७ हजारभन्दा बढी सदस्यलाई आवद्ध गरेको छ ।
प्रतिक्रिया दिनुहोस्