सिंहदरबार संवाददाता
काठमाडौं । घाटा थेग्नै नसक्ने स्थितिमा पुगेपछि निगमले फेरि तेलको मूल्य बढाएको छ । लागत बढ्न थालेपछि निगमलाई पर्ने भार चुलिएको हो जसका कारण इन्धनको मूल्य प्रतिलिटर २ रूपैयाँ बढाइएको छ ।
मंगलबार रातिदेखि लागु हुने नयाँ मूल्यसुचीअनुसार पेट्रोल प्रतिलिटर १ सय २९ रूपैयाँ पर्नेछ । यस्तै डिजेल र मट्टितेलको मूल्य १ सय १२ रूपैयाँ पर्नेछ ।
यसैगरी हवाइ इन्धनको मूल्य आन्तरिकतर्फ प्रतिलिटर २ रूपैयाँ र अन्तर्राष्ट्रिय तर्फ प्रति १ हजार लिटर १९ डलरले बढेर ७ सय ५४ डलर पुगेको छ ।
निगमले ग्यासको मूल्य पनि २५ रूपैयाँले बढाएको बढाएको छ । अब ग्यास प्रति सिलिन्डर १४ सय २५ रूपैयाँ पर्नेछ ।
इन्धनको मूल्य बढाए पनि निगमलाई १५ दिनमा ९१ करोड रूपैयाँ घाटा हुनेछ । यसअघि १५ दिनमा निगमलाई ६५ करोड रूपैयाँ घाटा थियो ।
प्रतिक्रिया दिनुहोस्