सिंहदरबार संवाददाता
काठमाडौं । साताको दोस्रो कारोबार दिन सेयर बजार दोहोरो अंकले घटेको छ । नेपाल स्टक एक्सचेञ्ज (नेप्से) परिसूचक १५.५४ अंकले घटेर २५९४.१३ को बिन्दुमा पुगेर बजार बन्द भएको हो ।
सोमबार ३२२ कम्पनीको १ करोड ३८ लाख ७० हजार ५ सय ७९ कित्ता सेयर किनबेच हुँदा ६ अर्ब ६५ करोड ८ लाख ८३ हजार १ सय ३ रुपैयाँ बराबरको कारोबार भएको छ ।
सोमबार सरकार परिर्वतन हुने हल्लाले सबै उपसूचकहरु राताम्मै भएको छ । सोमबार ६३ कम्पनीको सेयर मूल्य बढ्दा १७५ कम्पनीको सेयर मूल्य घटेको छ भने ५ कम्पनीको सेयर मल्य स्थिर रहेको छ ।
सोमबार एनआरएन इन्फ्रास्ट्रक्चर एण्ड डेभलपमेन्टको सबैभन्दा धेरै कारोबार भएको छ । कम्पनीको ४५ करोड २५ लाख ५१ हजार बढी संकलन भएको छ । कम्पनीको सेयर प्रतिकित्ता १ हजार १ सय ३५ रुपैयाँ पुगेको छ ।
सोमबार १ कम्पनीको सेयर मूल्यमा सकारात्मक सर्किट लागेको छ भने २ कम्पनीको सेयर मूल्यमा नकारात्मक सर्किट लागेको छ ।
प्रतिक्रिया दिनुहोस्