Shikhar Insurance
National Life

नेपाल चेम्बर अफ कमर्सको ‘पूर्वाधार र भूमि सुधार समिति’ को गठन पूरा

सिंहदरबार संवाददाता
२०८१ पुष २२, सोमबार १७:४९
Hyundai
NCELL
NIMB

काठमाडौं । नेपाल चेम्बर अफ कमर्स अन्तर्गत गठित पूर्वाधार तथा भूमि सुधार समितिको गठन प्रक्रिया पूरा भएको छ । चेम्बरको ७३ औं साधारणसभा तथा अधिवेशन पश्चात् चेम्बरको नवगठित कार्यसमितिको कार्यसमिति सदस्य रोशन भोयद्योलाई समितिको सभापतिमा मनोनयन गरे अनुसार उनको सभापतित्वमा पूर्वाधार, जग्गा तथा आवास विकास, ईंटा लगायतका निर्माण सामग्री एवं निर्माण व्यवसायमा संलग्न र सम्बन्धित व्यवसायका ज्ञाताहरु सम्मिलित समिति गठन भएको हो ।

समितिको वरिष्ठ सल्लाहकारमा नेपाल चेम्बर अफ कमर्सका वरिष्ठ उपाध्यक्ष दीपक कुमार मल्होत्रा तथा सल्लाहकारहरुमा ओम हस्पिटल एण्ड रिसर्ज सेन्टर प्रा.लि.का संचालक तथा ओम हेल्थ क्याम्पसका अध्यक्ष टंक बहादुर श्रेष्ठ र कानून विज्ञ गोकुल बुर्लाकोटी तथा संघसंस्था विज्ञ उत्तम प्रसाद झा रहेका छन् ।

Citizen Life
Kumar Bank
Prabhu Insurance

समितिको पहिलो बैठकले हालै नेपाल सरकारव्दारा जारी भएको परिमार्जित सहरी विकास नीति २०८१ को स्वागत गरेको छ । साथै बैठकले उक्त नीति अन्तर्गत गठन हुनुपर्ने समितिहरु समयमै गठन गर्न र बन्नुपर्ने नियमावलीहरु शीघ्र तयार गर्नका लागि सरकारको ध्यान जानुपर्ने कुरामा जोड दिएको छ ।

विगतको अनुभवलाई ध्यानमा दिएर यस्ता नियमहरु बनाउँदा नेपाल चेम्बर अफ कमर्स र सम्बन्धित व्यवसायिक संघका साथै व्यवसायीहरुको उचित उपस्थिति र सल्लाहमा बनाइएको खण्डमा यसले देशभर पूर्वाधार र भूमि सुधारका क्षेत्रमा काम गर्ने वातावरण निर्माण हुने कुरामा पनि बैठकले ध्यानाकर्षण गराएको छ ।

बैठकले पूर्वाधार विकास तथा भूमि सुधार क्षेत्र, देशको अर्थतन्त्र चलायमान बनाउन र कूल गार्हस्थ्य उत्पादनमा प्रमुख योगदान गर्ने क्षेत्र हुंदाहुंदै पनि विभिन्न कारणले यस क्षेत्रमा लाग्ने व्यवसायीहरुको मान् बढ्ने खालका कार्य हुन नसकेको र व्यवसायीहरुलाई हेर्ने दृष्टिकोणमा पनि सरकार र समाजकोतर्फबाट सकारात्मक सोच राख्न जरुरी रहेको कुरामाथि जोड दिइएको छ ।

हाल सुस्त अवस्थामा रहेको पूर्वाधार विकास तथा भूमि सुधार एवं आवास विकास जस्ता क्षेत्रमा उत्साह थप्नमा सरकारले देशभित्र उपलव्ध निर्माण सामग्रीको कच्चा पदार्थ आदिको उचित परिचालन, आयातमा सुविधा, अन्तर सरकारी निकायहरुबीच समन्वय, विकासका काममा निजी क्षेत्रको संलग्नतालाई बृध्दि गर्नुपर्ने जस्ता विषयहरुमा सरकारको ध्यान जानुपर्ने विषयहरुमा समितिको बैठकले चर्चा गरेको छ ।

साथै, आवास विकास गर्ने कम्पनीहरुका लागि जग्गाको हदबन्दीमा भएको सीमा हटाउनुका साथै निर्माण सम्पन्न भएका योजनाहरुको समयमै भुक्तानी गर्ने व्यवस्था मिलाउनेतर्फ पनि सरकारलाई ध्यान दिनका लागि अनुरोध गरेको छ ।

यसैगरी, समितिले आफ्नो पहिलो बैठकबाट आव २०८१-२०८२ मा प्रमुखरुपमा गरिने कार्यक्रमहरु पनि तय गरेको छ ।

पूर्वाधार विकास तथा भूमि सुधार सम्बन्धमा चेम्बर मार्फत् निरन्तर रुपमा सरकारलाई सुझाव प्रस्तुत गर्ने, नेपाल सरकारव्दारा जारी गरिएको सहरी विकास नीति २०८१ को विषयमा गहन अध्ययन गरी सम्बन्धित पक्षहरु सम्मिलित जानकारीमूलक अन्तक्र्रिया कार्यक्रमको आयोजना गर्ने र विद्यमान अवस्थामा पूर्वाधार विकास र भूमि सुधार विषयमा व्यवसायीहरुले सामना गरिरहनु परेको कठिनाइ र गुनासो संकलन गरी यसको निवारणका लागि प्रयासरत् रहने समितिको लक्ष्य रहेको चेम्बरले जनाएको छ ।

साथै, समितिले देशको अर्र्थतन्त्र विकासका लागि पूर्वाधार विकास तथा भूमि सुधार क्षेत्रको योगदान बृध्दि गर्नका लागि विभिन्न मुलुकले अपनाएका उत्तम अभ्यास र नीति नियमहरु संकलन गरी आवश्यक समीक्षा पश्चात् सरकारलाई सुझाव प्रस्तुत गर्ने चेम्बरले जनाएको छ ।

समितिको सभापतिमा रोशन भोयद्यो, सह सभापतिमा विदुर धमला, सह सभापतिमा सुमित अग्रवाल र वरिष्ठ सल्लाहकारमा दीपक कुमार मल्होत्रा रहेका छन् ।

त्यस्तै, सल्लाहकारमा गोकुल बुर्लाकोटी, उत्तम प्रसाद झा र टंक बहादुर श्रेष्ठ रहेका छन् भने सदस्यमा अच्यूत कटवाल, दिपेश लामा, पूर्णिमा राजभण्डारी, राधेसुन्दर सायंजू, विदुर प्रसाद बर्तौला, अनिल शिवाकोटि, कविन महर्जन, विष्णुभक्त मारिखु, अनिल मानन्धर, राजुमान बज्राचार्य, हेमप्रकाश उप्रेती, श्रीधर महरा, कमल बस्नेत र पुष्परत्न शाक्य रहेका छन् ।

GBIME
Api Infra

प्रतिक्रिया दिनुहोस्