सिंहदरबार संवाददाता
काठमाडौं । आरम्भ चौतारी लघुवित्त वित्तीय संस्था लिमिटेडले ९औं वार्षिक साधारण सभा बोलाएको छ । कम्पनीको पुस २१ गते बसेको सञ्चालक समितिको बैंठकको निर्णय अनुसार सभा माघ १४ गते पार्टी भेन्यू, बनेपा–८, काभ्रेपलाञ्चोकमा बिहान १० बजेदेखि बस्ने आव्हान गरेको हो ।
सभामा कम्पनीले गत आवको मुनाफाबाट सेयरधनीलाई लाभांश नदिने निर्णय गरिसकेकाले लाभांश सम्बन्धी कुनै प्रस्ताव समावेश छैन।
सभामा गत आवको वार्षिक प्रतिवेदन सहितका वित्तीय विवरणहरू पारित गर्नेछ ।
सभामा चालू आवको लागि लेखापरीक्षक नियुक्ति गरी पारिश्रमिक निर्धारण गर्नेछ ।
सभामा ६ जना सञ्चालकको निर्वाचन गर्ने, अन्य कुनै वित्तीय संस्थासँग मर्जरका लागि आवश्यक कार्य गर्न र प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी प्रस्ताव पारित गर्नेछ ।
साथै, साधारणसभा प्रयोजनका लागि संस्थाले माघ २ गते एक दिन बुक क्लोज गर्ने निर्णय गरेको छ । जसअनुसार पुस २९ गतेसम्म कायम सेयरधनीले सभामा भाग लिन पाउँनेछन् ।
प्रतिक्रिया दिनुहोस्