सिंहदरबार संवाददाता
काठमाडौं । मेरो माइक्रोफाइनान्स लघुवित्त वित्तीय संस्था लिमिटेडले आर्थिक वर्षको ०८०/०८१ को मुनाफाबाट सेयरधनीलाई लाभांश घोषणा गरेको छ । कम्पनीको पुस १ गते बसेको सञ्चालक समितिको निर्णय अनुसार सेयरधनीलाई ७.८९४७ प्रतिशत लाभांश घोषणा गरेको हो ।
कम्पनीले ७.५ प्रतिशत बोनस सेयर र ०.३९४७ प्रतिशत नगद लाभांश (कर समेत) रहेको छ। हाल कम्पनीको चुक्ता पूँजी १ अर्ब ३२ करोड रुपैयाँ रहेको छ।
साथै, कम्पनीले नेपाल राष्ट्र बैंकले स्वीकृत गरी आगामी वार्षिक साधारणसभाले पारित गरेपछि सेयरधनीलाई वितरण गर्ने एक सूचनामार्फत जानकारी दिएको छ ।
प्रतिक्रिया दिनुहोस्