सिंहदरबार संवाददाता
काठमाडौं । नेपाल राष्ट्र बैंकले आफ्नो नामको अनधिकृत फेसबुक बनाइ दुरुपयोग भएको बताएको छ । केन्द्रिय बैंकको हालसम्म कुनैपनि आधिकारीक फेसबुक पेज नरहेको र यस बैंकबाट कुनैपनि प्रकारको सूचना जानकारी तथा आह्वान फेसबुक पेजमार्फत नगरिएको व्यहोरा जानकारी गराएको छ ।
अनधिकृतरुपमा नेपाल राष्ट्र बैंकको फेसबुक पेज सृजना गरी भ्रामक जानकारी तथा सूचना पोष्ट भइरहेको सम्बन्धमा केन्द्रिय बैंकको गम्भीर ध्यानाकर्षण भएको उल्लेख गरेको छ । यसरी अनधिकृत रुपमा नेपाल राष्ट्र बैंकको फेसबुक पेज सृजना गरी भ्रामक जानकारी पोष्ट गर्ने/गराउनेलाई साइबर अपराधसम्बन्धी कानून वमोजिम कारबाही गर्ने केन्द्रिय बैंकले बताएको छ ।
राष्ट्र बैंकले खोलिएका फेसबुक पेजमा आफ्नो कुनैपनि सूचना प्रविष्ट नगर्ने सर्वसाधारणलाई आग्रह गरेको छ भने त्यस्ता पोस्ट नपात्याउन फेसबुक प्रयोगकर्तालाई भनेको छ ।
प्रतिक्रिया दिनुहोस्