सिंहदरबार संवाददाता
काठमाडौं । नेपाल प्रिमियर लिग (एनपीएल) का खेलहरु झन–झन उत्साहजनक भईरहेको बेलामा क्रिकेटलाई अझै रोमाञ्चक बनाउन एनसेलले एनपीएल लक्षित फ्यान प्याक प्रदान गरेको छ । यो प्याक लिने ग्राहकहरूले मैदानमा नै गएर क्रिकेटको भरपुर मजा लिन नि:शुल्क टिकट प्राप्त गर्ने अवसर पनि पाउँछन् ।
एनपीएल फ्यान प्याक संचालनमा ल्याएपछि एनसेलले अहिलेसम्म ५०० भन्दा बढी आफ्ना ग्राहकहरुलाई एनपीएल टिकट वितरण गरिसकेको छ । ग्राहकहरूले नि:शुल्क युट्युबमा अनलिमिटेड पहुँचमार्फत अनलाइनबाटै पनि एनपीएलका खेलहरू र यसका अपडेट पनि प्राप्त गर्न सक्ने कम्पनीले जनाएको छ ।
एनसेलले यूट्युबमा अनलिमिटेड पहुँचको अफर सधैं अनका प्याकहरूमा बन्डल गरेर प्रदान गरेको छ । कर सहित ३९९ देखि १४९९ सम्मका सबै सधैं अनका प्याकहरुमा ग्राहकले अनलिमिडेट यूट्युबको मजा लिन सक्ने कम्पनीले जनाएको छ ।
यसको मतलब यी प्याक लिने ग्राहकहरुले कुनै थप डेटा शुल्कको चिन्ता नगरी जुनसुकै बेला र जहाँसुकै रोमाञ्चक एनपीएल खेलहरू हेर्न सक्छन् र साथै यूट्युबमाथिको नि:शुल्क पहुँचको फाइदा लिन सक्छन् ।
एनपीएल फ्यान प्याक लिने ग्राहकहरुले एनसेल एपको स्पिन एन्ड विन फिचरमार्फत एनपीएल खेलहरूको टिकट जित्ने मौका पाउँछन् । सहभागी हुनका लागि, ग्राहकहरूले एनसेल एप, एनसेल वेबसाइट, वा ८१२३८९३ डायल गरेर कुनै पनि एनपीएल फ्यान प्याक (डेटा वा भ्वाइस) सजिलै लिन सक्ने कम्पनीले जानकारी दिएको छ ।
यी प्याकहरू किनेपछि ग्राहकहरूले एसएमएस मार्फत एनसेल एपमा रहेको स्पिन एन्ड वीनमा जाने लिंक प्राप्त गर्छन् । एपमा गई ह्वील घुमाउँदा ग्राहकहरूले एनपीएल खेलको टिकट, १ जीबी डेटा, रु ५० क्यासब्याक (१ दिनको समयसिमा), १०० क्यासब्याक (१ दिनको समयसिमा), वा १०० अन–नेट एसएमएस (१ दिनका समयसिमा) पाउँन सक्छन् ।
एनसेलले यो रोमाञ्चक अफर सीमित समयका लागि उपलब्ध छ र एनपीएललाई विशेष बनाउनका लागि यो अफर ल्याइएको हो ।
प्रतिक्रिया दिनुहोस्